Anandasagara Stava

[Guest guest]

OM shrii lalitaa mahaatripurasundarii paraabhaTTaarikaa sametaaya

shrii chandramauliishwara parabrahmaNe namaH

 

..

aanandasaagarastavaH ..

 

## Ananda Sagara Stava is a beautiful hymn to Sri Minakshi. Sri

Minakshi is the sthoola form of goddess Sri Rajashyamala. Various

forms of Diksha like the Sparsha Diksha, Shabda Diksha and Shakti

Sankrama Diksha are detailed in the Tantra Shastras. A fish has the

wonderful power to soothe and nourish its offspring by mere sight.

Sri Minakshi showers grace on her devotees similarly, by means of

Drishti Diksha. The bindu of the Srichakra is the ocean of bliss –

Anandasagara. This hymn takes one into the depths of this ocean of

bliss. This marvelous hymn was composed by Sri Nilakantha dikshita.

He was the grand son of the great scholar Appayya Dikshita, and lived

in the sixteenth century. He was himself a great scholar and a great

Upasaka of Srividya. He was the minister of Madurai for about thirty

years. He then attained Samadhi after accepting Sanyasa. This great

devotee once lost his eyesight, due to the wrath of the king of

Madurai. Appayya Dikshita then composed this beautiful hymn in the

Vasantatilakaa metre and sang it in front of goddess Minakshi. As

soon as he finished singing the sixty-first verse, the goddess

appeared before him and granted him vision. From then on, he

completely devoted himself to the service of Sridevi. This fine hymn

is not only known for its poetic brilliance, but also for its intense

emotions. The poet has brought out the essence of the entire

Upanishads in this hymn, in a simple lucid manner. ##

 

vij~naapanaarhaviralaavasaraanavaaptyaa mandodyame mayi daviiyasi

vishwamaatuH .

avyaajabhuutakaruNaapavanaapaviddhaanyantaH

smaraamyahamapaa~Ngatara~Ngitaani .. 1 ..

 

aavedyataamaviditaM kimathaapyanuktaM vaktavyamaantararujopashamaaya

naalam .

ityarthyase kimapi tacChravaNe nidhaatuM maataH prasiida

malayadhwajapaaNDyakanye ..2..

 

aakranditaM ruditamaahatamaanane vaa kasyaardramastu hR^idayaM

kimataH phalaM vaa .

yasyaa mano dravati yaa jagataaM swatantraa tasyaastavaamba purataH

kathayaami khedam .. 3 ..

 

paryaakule manasi vaachi pariskhalantyaaM aavartagarta iva chakShiShi

ghuurNamaane .

kaste.abhidaasyati shive mamataamavasthaaM kaale dayaswa kathayaami

tavaadhunaiva .. 4 ..

 

bhaktiM karotu nitaraaM surajaatimaatre graamiiNajanturiva

paurajaneShu lokaH .

anyatra devi bhavadiiyapadaaravindaadaakR^iShyamaaNamapi me hR^idayaM

na yaati .. 5 ..

 

a~Ngiikuru tvamavadhiiraya vaa vayaM tu daasaastaveti vachasaiva

jayema lokaan .

etaavataiva sukaro nanu vishwamaataH

uddaNDadaNDadharaki~Nkaramaulibha~NgaH .. 6 ..

 

vedaantavaakyajanitaM vimalaM vichaaraiH aasaadya

bodhamanuchintanato.aparokSham .

muktiM vrajanti manujaa iti suuktimaadyaaM aalambya kastaritumarhati

shailakanye .. 7 ..

 

ekaikavedaviShayaaH kati naamashaakhaastaasaaM shiraamsi kati naama

pR^ithagvidhaani .

arthaavabodhavidhuro.akSharalaabha eva keShaaM nR^iNaaM katibhirastu

shariirabandhaiH .. 8 ..

 

nyaayaaH parasparavibhinnadishaH sahasramucChaavachaani cha

bhavantyupabR^i~MhaNaani .

evaM sthite girisute nigamopalaanaaM taatparyasaaramavadhaarayituM

kShamaH kaH .. 9 ..

 

astvakSharagrahavidhirjanuShaaM sahasrairaapaatato bhavatu naama

tato.arthabodhaH .

durvaadikalpitavikalpatara~Ngasaandraan duShpuurvapakShajaladhiin

kathamuttareyaH .. 10 ..

 

brahmeti shaktiriti bandhavimochaniiti maayaamayiiti

madanaantakavallabheti .

saptaaShTashabdaparivartanamaatra eva saamarthyamaavahati

shaastraparishramo.ayam .. 11 ..

 

tasyai prasiidasi giriindrasute ya itthaM sampaadayeta

shanakairaparokShabodhaM .

yasmai prasiidasi sa cha kShamate.avaboddhuM itthaM

parasparasamaashrayametadaaste .. 12 ..

 

aakarNaya tvamimamabhyupagamya vaadaM jaanaatu ko.api yadi vaa

hR^idayaM shrutiinaam .

tasyaapyasa~Mkhyabhavabandhashataarjito.ayaM dwaitabhramo galatu

janmashataiH kiyadbhiH .. 13 ..

 

kaale mahatyanavadhaavapatankvadaapi kvaapyantime januShi ko.api

gatiM labheta .

itthaM samarthanavidhiH paramaagamaanaaM paryaayasuuktividhayaa

nayanaM na~narthe ..14 ..

 

ekaapavargasamaye jagato.apavargaH sarvaapavargasamaye

punarastasha~NkaH .

iidR^igvidhaM kamapi pakshamihaavalambya sthaatuM sukhaM kShamamaneva

pathaa pravR^ittaiH .. 15 ..

 

abhyasya vedamavadhaarya cha puurvatantramaalakShya shiShTacharitaani

pR^ithagvidhaani .

adhyaapanaadibhiravaapya dhanaM cha bhuuri sharmaaNi maataralasaaH

kathamaachareyuH .. 16 ..

 

aayasya taavadapi karma karotu kashchittenaapi maataradhikaM

kimivaanubhaavyam .

aste sukhaM ya iha bhaaratavarShasiimanyaaste sa ki~nchidita

uttarato.apasR^itya .. 17 ..

 

karma tyajema yadi nuunamadhaH patema yadyaacharema na kadaapi bhavaM

tarema .

karma tyajediti charediti cha pravR^ittaaH bhaavena kena nigamaa iti

na pratiimaH .. 18 ..

 

karmaNyakarmavidhireSha yadaacharanti karmaaNi

tattadanubandhajihaasayeti .

satyaM tathaapyabhinavo bhavitaa na bandhaH praachiinabandhaharaNe ka

ivaabhyupaayaH .. 19 ..

 

praarabdhakarma kiyadaarabhate kiyadvaa praarapsyate kiyadidaM ka

ivaavadhattaam .

kaalaH kiyaaniva mayaa pratipaalaniiyo yasya kShaNaardhamapi

kalpashatatvameti .. 20 ..

 

pu~MsaH kShaNaardhamapi sa~MsaraNaakShamasya saa~MkhyaadayaH saraNayo

na vishanti karNam .

sa~Mkhyaaya gaa~NgasikataaH sakalaashcha suukshmaa bhu~MkShweti

vaagiva mahaakShudhayaarditasya .. 21 ..

 

bhaktistu kaa yadi bhavedratibhaavabhedastatkevalaanvayitayaa

viphalaiva bhaktiH .

priitistvayi trijagadaatmani kasya naasti swaatmadruho na khalu santi

janaastrilokyaam .. 22 ..

 

aatmaa samastajagataaM bhavatiiti samyagvij~naaya yadvitanute tvayi

bhaavabandham .

saa bhaktirityabhimataM yadi siddhamiShTaM vyarthaM

visheShyamalamastu visheShaNaM naH .. 23 ..

 

swaatmetaratvamavadhaarya paratvabuddhyaa yatpriiyate gurujaneShwiva

saiva bhaktiH .

syaadetadevamiyameva tu me jihaasyaa dvaitabhramaatkimadhikaM

bhavabandhamuulam .. 24 ..

 

sevaiva bhaktiriti karmapathapraveshaH sevyaprasaadaphalakaa kila

karmasevaa .

dhyaanapravaaha iti checChravaNaat tR^itiiyaH praageva

maatarayamaakalito.abhyupaayaH .. 25 ..

 

atraiva daasyasi vimuktimathaapi yaache maataH shariirapatanaM

maNikarNikaayaam .

astu swakR^ityamanukampanamiishwaraaNaaM daasasya karmakarataiva

tathaa swakR^ityam .. 26 ..

 

sadyo bhavetsukR^itinaamupadeshalaabhaH paapaatmanaaM bahutithe

samaye vyatiite .

ityaadibhiH kila puraaNavachobhiramba vaaraaNasiimapi na

yaachitumutsuko.asmi .. 27 ..

 

aakraantamantararibhiH madamatsaraadyaiH gaatraM

valiipalitarogashataanuviddham .

daaraiH sutaishcha gR^ihamaavR^itamuttamarNaiH maataH kathaM bhavatu

me manasaH prasaadaH .. 28 ..

 

dhanyaaH kati tribhuvane paramopabhaagyaM samsaarameva parameshwari

bhaavayantaH .

aabhaasaruupamavabodhamimaM sametya klishye kiyatkiyadahaM tvamunaa

bhavena .. 29 ..

 

kaa sa~MskR^itiH kimapachaaranibandhaneyaM kiidR^igvidhasya tava ki~M

kShatametayeti .

prashne tu naasmi kushalaH prativaktumeva khedastu me janani

ko.apyayamevamaaste .. 30 ..

 

evaM gatasya mama saampratametadarhaM atredamaupayikamitthamidaM cha

saadhyam .

asminpramaaNamidamityapi boddhumamba shaktirna me bhuvanasaakShiNi

ki~M karomi .. 31 ..

 

na j~naayate mama hitaM nitaraamupaayo diino.asmi devi

samayaacharaNaakShamo.asmi .

tattvaamananyasharaNaH sharaNaM prapadye miinaakShi vishwajananiiM

jananiiM mamaiva .. 32 ..

 

ki~nchinmayaa shrutiShu ki~nchidivaagameShu shaastreShu

ki~nchidupadeshapatheShu ki~nchit .

aaghraatamasti yadato bhavatiiM variituM goptriiti kaachidudapadyata

buddhireShaa .. 33 ..

 

brahmaivamevamahameSha tadaaptyupaaya ityaagamaarthavidhuraaH

prathame dayaarhaaH .

tvadrakShakatvaguNamaatravido dvitiiyaa ityarthaye sadadhikaara

niruupaNaaya .. 34 ..

 

maataa karoShi mamataaM mayi yaavadiishattaavadyate mama tataH

kimivaasti saadhyam .

maamitthamitthamupayu~NkShva na vismareti kiM swaaminaM tvarayate

kvachana swabhR^ityaH .. 35 ..

 

tyaajyaM tyajaani vihitaM cha samaacharaaNi nityeShu shaktimanurudhya

hu vartitavyam .

tadbuddhishaktimanuruddhya na kaaryashaktimityetadeva tu shive

vinivedayaami .. 36 ..

 

aatmaiva bhaara iti taM tvayi yo nidhatte so.a~Ngaani kaani

kalayatvalasaH prapatteH .

vishwasya saakShiNi vilakShaNalakShaNaa yaa visrambhasampadiyameva

samastama~Ngam .. 37 ..

 

tvatpreraNena miShataH shwasato.api maataH praamaadike.api sati

karmaNi me na doShaH .

maatraiva dattamashanaM grasataH sutasya ko naama vakShyati

shishoratibhuktidoSham .. 38 ..

 

muktiM niShaadhayiShataaM nijayaiva buddhyaa praarabdhakarma bhavatu

pratibandhahetuH .

tvaameva saadhanatayaapi samaashritaanaaM tulyaM tadamba yadi kastava

viiravaadaH .. 39 ..

 

praarabdhakarma girije bhavadaashritaanaaM anyatra sa~Mkramaya

naashaya vaa samuulam .

martyaashcha khalvapi viShaM vapuShi prasaktaM sa~Mkraamayanti

parato.api cha naashayanti .. 40 ..

 

tvaddarshanashravaNachintanavandanaadiShwakShaaNi devi viniyujya

yathaadhikaaram .

rakShetyasa~NkhyabhavasambhR^itayaiva maitryaa rundhyaaM yadi

sthiramamuunyadhunaiva na syuH .. 41 ..

 

traatavya eSha iti chetkaruNaa mayi syaat traayaswa kiM

sukR^itaduShkR^itachintayaa me .

kartuM jagattirayituM cha vishR^i~MkhalaayaaH karmaanurodha iti kaM

prati va~nchaneyam .. 42 ..

 

tvayyarpitaM prathamamappayayajwanaiva swaatmaarpaNaM vidadhataa

swakulaM samastam .

kaa tvaM maheshi kuladaasamupekShituM maaM ko vaanupaasitumahaM

kuladevataaM tvaam .. 43 ..

 

mauDhyaadahaM sharaNayaami suraantaraM chet kiM taavataa swamapi

tasya bhavaami maataH .

aj~naanataH paragR^ihaM pravishanparasya swatwaM prayaasyati pashuH

kimu raajakiiyaH .. 44 ..

 

aadhaaya muurdhani vR^ithaiva bharaM mahaantaM muurkhaa nimajjatha

kathaM bhavasaagare.asmin .

vinyasya bhaaramakhilaM padayorjananyaa visrabdhamuttarata

palvalatulyamenam .. 45 ..

 

kvedaM patiShyati vapuH kva tato nu gamyaM ko daNDayiShyati

kiya~MtamanehasaM vaa .

kiM tasya santaraNasaadhanamityanantaa chintaa sthitaa tvayi

shanairavataaritaa saa .. 46 ..

 

j~naanaM visheyamuta tena vinoddhareyaM

praarabdhamapyapalapeyamutaanuru~Mdhyaam .

itthaM sakR^itprapadanaikavashamvadaayaa maaturmayi pravavR^ite

mahatiiha chintaa .. 47 ..

 

etajjaDaajaDavivechanametadeva kShityaaditatvaparishodhanakaushalaM

cha .

j~naanaM cha shaivamidamaagamakoTilabhyaM maaturyada~Nghriyugale

nihito mayaatmaa .. 48 ..

 

ShaTtri~MshadaavaraNamadhyajuShi tvada~Nghrau haalaasyanaathadayite

nihito mayaatmaa .

bhuubhutalatridivavartiShu kaH kshameta tacchakShushaadi nibhR^itena

niriikShituM maam .. 49 ..

 

bandhaM hariShyasi sukhaM vitariShyasiiti nishchaprachaM nikhilamamba

tadaasta eva .

sa~MpratyahaM tvayi nidhaaya bharaM samastaM yaanirvR^iNomi

kimito.api mamaapavarge .. 50 ..

 

kaashyaaM nipaataya vapuH shvapachaalaye vaa swargaM naya

tvamapavargamadhogatiM vaa .

adyaiva vaa kuru dayaaM punaraayatau vaa kaH sambhramo mama dhane

dhaninaH pramaaNam .. 51 ..

 

naahaM sahe tava kathaashravaNaantaraayaM naahaM sahe tava

padaarchanavichyutiM vaa .

mokshaM dishaitadaviruddhamidaM na chetyaannaivaastu

maatarapavargamahopasargaH .. 52 ..

 

aachuuDamaacharaNamamba

tavaanuvaaramantaHsmaranbhuvanama~Ngalama~Ngama~Ngam .

aanandasaagatatara~NgaparamparaabhiH aandolito na gaNayaami

gataanyahaani .. 53 ..

 

paaShaaNato.api kaThine shirasi shrutiinaaM praayaH

parikramavashaadiva paaTalaabham .

amba smareyamamR^itaarNavamaathalabdhahaiyya~NgaviinasukumaaramidaM

padaM te .. 54 ..

 

ye naama santi katichidguravistrilokyaaM teShaamapi swayamupetavataa

gurutvam .

paadena muurdhni vidhR^itena vayaM tavaamba samsaarasaagaramimaM

sukhamuttaraamaH .. 55 .

 

saadhaaraNe smarajaye nitilaakShisaadhye bhaagii shivo bhajatu naama

yashaH samagram .

vaamaa~Nghrimaatrakalite janani tvadiiye kaa vaa prasaktirapi

kaalajaye puraareH .. 56 ..

 

syaatkomalaM yadi mano mama vishwamaataH tatpaadayormR^idulayostava

paadukaa.astu .

syaat karkashaM yadi karagrahaNe puraareH ashmaadhiropaNavidhau

bhavatuupayogaH .. 57 ..

 

prasnigdhamugdharuchipaadatale bhavatyaa lagnaM dhR^iDhaM yadiha me

hR^idayaaravindam .

eShaiva saagrabhuvanadwishatiipatitvasaamraajyasuuchanakarii tava

padmarekhaa .. 58 ..

 

apraakR^itaM mR^idulataamavichintya ki~nchidaalambitaasi padayoH

sudhR^iDhaM mayaa yat .

tanme bhavaarNavanimajjanakaatarasya maataH kShamasva madhureshwari

baalakR^ityam .. 59 ..

 

yatraanamanpashupatiH praNayaaparadhe mandaM kila spR^ishati

chandrakalaa~nchalena .

puShpaarchane.api mR^iditaM padayoryugaM tanmaatastudanti na kathaM

paruShaa giro me .. 60 ..

 

avyaajasundaramanuttaramaprameyamapraakR^itaM

paramama~Ngalama~Nghripadmam .

sa~Mdarshayedapi sakR^idbhavatii dayaardraa draShTaasmi kena tadahaM

tu vilochanena .. 61 ..

 

divyaa dR^isho.api diviShadgrahaNochitaani vastuuni

kaamamavadhaarayituM kShamante .

tvanmaatrevedyavibhave tava ruupadheye tvadbhaava eva sharaNaM

parisheShito naH .. 62 ..

 

asminmahatyanavadhau kila kaalachakre dhanyaastu ye katipaye

shukayogimukhyaaH .

liinaastvada~Nghriyugale parishuddhasatvaan taanaatmanastava

nakhaanavadhaarayaamaH .. 63 ..

 

aa shaishavaanmamatayaa kalitastvayaasaavaanR^iNyamamba tava

labdhumanaa mR^igaa~NgakaH .

swaatmaanameva niyataM bahudhaa vibhajya tvatpaadayorvinidadhe

nakharaapadeshaat .. 64 ..

 

naantaH praveshamayate kimapi shrutaM me naastikyavaadashilayaa

pratirudhyamaanam .

tatpaatayaamyahamimaaM mahatiimadhastaatpaadodakena kiyataa

paradevataayaaH .. 65 ..

 

sannaahibhiH yamabhaTaiH parivaaryamaaNe mayyarbhake karuNayaa

swayamaapatantyaaH .

aakarNayeyamapi naama viraamakaale

maatastavaa~NghrimaNinuupurashi~njitaani .. 66 ..

 

brahmeshakeshavamukhairbahubhiH kumaaraiH paryaayataH

parigR^ihiitavimuktadesham .

utsa~Ngamamba tava daasyasi me kadaa tvaM maatR^ipriyaM kila jaDaM

sutamaamananti .. 67 ..

 

uurau shirastava niveshya

dayaavitiirNasa~Mvyaanapallavasamiiraviniitakhedam .

atraiva janmani vibhoH paramopadeshamaakarNayeyamapi kiM

maNikarNikaayaam .. 68 ..

 

kaa~nchiiguNagrathitakaa~nchanacheladR^ishyachaNDaatakaa~Mshukavibhaap

arabhaagashobhi .

parya~NkamaNDalapariShkaraNaM puraareH dhyaayaami te vipulamamba

nitambabimabam .. 69 ..

 

garbhe niveshya bhuvanaani chaturdashaapi sa~MrakshituM

kalitanishchitayaa bhavatyaa .

praakaarameva rachitaM parito.api nuunamuuhe

suvarNamayamedurapaTTabandham .. 70 ..

 

muktaashcha khalvapi yadi tripure bhavatyaaH stanyaashayaa stanataTaM

na parityajanti .

asmaakamudbhaTabhavajwarataapitaanaamaardriibhavantu vadanaani kuto

na hetoH .. 71 ..

 

naShTopalabdhamadhigatya shishuM chiraanmaaM vaatsalyavidrutahR^idaH

paradevataayaaH .

klidyatpayodharaviniHsR^itadugdhabinduniShyandapa~Nktiriva diivyati

haarayaSTiH .. 72 ..

 

yattaddhanurjanamanomayamaikshavaM te tasyaastu devi hR^idayaM mama

muuladeshaH .

chaapaadhiropaNavidhau charaNaa~nchalena sambhaavyate kila

samaakramaNa~M kadaachit .. 73 ..

 

aasthaaya daaruNataraM kamapi swabhaavamatyantaduShkR^itakR^itaamapi

shikShaNaaya .

gR^ihNaasi saayakapade kusumaanyamuuni maataH suteShu mahatii kila

ruukShateyam .. 74 ..

 

paashaM sR^iNiM cha karayostava bhaavayantaH sa~Mstambhayanti

vashayanti cha sarvalokaan .

chaapaM sharaM cha sakR^idamba tava smaranto bhuupaalataaM dadhati

bhogapathaavatiirNaH .. 75 ..

 

paashaa~Nkushau tava kare parichintya raagadweShau jayanti

paramaarthavidastu dhanyaaH .

ekatra chaapamitaratra sharaM cha matvaa vyaavartayanti hR^idayaM

viShayaandhakuupaat .. 76 ..

 

utkraantamaantaramidaM sharaNaM janaanaamapyeti chandramiti he

shrutayo vadanti .

aastaamidaM mama tu devi mano.adhunaiva liinaM dhR^iDhaM

vadanachandramasi tvadiiye .. 77 ..

 

vidyaatmano janani taavakadantapa~NkteH vaimalyamiidR^igiti

varNayituM kShamaH kaH .

tatsambhavaa yadamalaa vachasaa~M savitrii tanmuulakaM kaviyasho.api

tatastaraaM yat .. 78 ..

 

swacChaapi te vahati yatkila dantapa~NktiH

swacChandanirdalitadaaDimabiijashobhaam .

tanme rajovyatikaraadhikapaaTalimni chitte paraM parichayaaditi

chintayaami .. 79 ..

 

ardhaM jitatripuramamba tava smitaM chedardhaantareNa cha tathaa

bhavitavyameva .

tacchintaye janani

kaaraNasuukShmaruupasthuulaatmakatripurashaantikR^ite smitaM te ..

80 ..

 

matkleshadarshanaparidravadantara~Ngahaiyya~NgaviinaparivaahanibhaM

jananyaaH .

antastamopahamanusmarataaM janaanaaM mandasmitaM bhuvanama~Ngalamastu

bhuutyai .. 81 ..

 

saa~MsiddhikaananasaroruhadivyagandhasaandriikR^itendushakalaakalitaad

hivaasam .

taambuulasaaramakhilaagamabodhasaaraM maatarvidhehi mama

vaktrakalaachikaayaam .. 82 ..

 

naasaamaNistava shive chirasa~Mstavena pratyaahR^ite manasi bhaati

tapodhanaanaaM .

aj~naanasantatinishaatyayasuuchanaartha~M

aavirbhavantyasuradeshikataarakeva .. 83 ..

 

taambuulagarbhapariphullakapolalakShyataaTa~NkamauktikamaNipratibimbad

ambhaat .

astadwayavyatikaraamalasatvamaadyaM varNaM bibharti jaThare tava

vaktrabimbaM .. 84 ..

 

datte shriyaM bahuvidhaaM kushalaani datte datte padaM surapaterapi

liilayaiva .

iidR^igvidhaamba tava dR^iShTirito.adhikaa vaa naadyaapi

karNamativartitumiishwariiyam .. 85 ..

 

paashaaNakuuTakaThiNe janadurvigaahe vyarthaM mahatyupaniShadvipine

pravR^ittaa .

sevyeta kena tava lochanachandrikeyamenaaM nipaataya sakR^inmayi

tapyamaane .. 86 ..

 

kaamaM shivena shamitaM punarujjagaara dR^iShTistaveti kimiyaM janani

stutiste .

liilaaprasuutapuruShaarthachatuShTayaayaastasyaaH paraM tu sa

bhavatyavayutyavaadaH .. 87 ..

 

somo jagajjanayiteti yadaaha vedo nedaM lataaparamiti

bhramitavyamaaryaiH .

yaH shaivavaamatanuvartibhavaddR^igaatmaa chandro jagatsR^ijati

tatpara eSha vaadaH .. 88 ..

 

suuchyagravadvasumatiimaNuvaccha meruM dR^iShTiryadamba tava pashyati

daanashauNDaa .

dR^iShTaastvayaa vayamapiiha tataH smaraamo veshantameva

bhavasaagaramuttara~Ngam .. 89 ..

 

vaaNiiniketanatayaa ghanasaaragauraaH kalhaarakesararuchaH

kamalaanuSha~Ngaat .

maatarjayanti sharaNaagatalokachetomaalinyamaarjanavashaadasitaaH

kaTaakShaaH .. 90 ..

 

aakarNamullasati maatarapaa~Ngadeshe kaalaa~njanena ghaTitaa tava

bhaati rekhaa .

shaivaalapa~Nktiriva

santatanirjihaanakaaruNyapuurapadaviikalitaanubandhaa .. 91 ..

 

vishwaM sR^ijati hanti cha yaH kaTaaksho vishwasyataaM kathamasau

chapalaswabhaavaH .

eSho.api yaamanusarallabhate yashaamsi taameva vishwasimi devi

tavaanukampaam .. 92 ..

 

ardhaM kala~Nkarahitaa karuNaiva shambhorardha~M guNaastaditare

sakalaaH sametaaH .

ityamba samprati kila sphurita~M rahasyaM sampashyato mama

bhavanmayamaishamardham .. 93 ..

 

amba bhruvostava vicheShTitamapramattaM sampashyataaM

nijanijaarthanideshahetoH .

tanmuuladeshanihitaa nibhR^itaa suraaNaaM dR^iShTiH prayaati

mR^iganaabhivisheShakatvam .. 94 ..

 

saaraM kaNaM kaNamagharmaruchaaM sahasraat sa~NgR^ihya nirmitamidaM

tava vaktrabimbam .

taavatsudhaakarakala~Nkakulaani pashchaadekatra devi nihitaani

kachaapadeshaat .. 95 ..

 

vinyastamindramaNikandalasundareShu kesheShu te

sphaTikanirmalamindukhaNDam .

aadhaarasa~NgativashaadasitaayamaanamindiivaracChadavatamsadashaaM

bibharti .. 96 ..

 

chintaamaNistribhuvaneshwari kaustubhashcha khyaatau maNii tava

gR^ihaa~NgaNakuTTimasthau .

kiM ratnamanyadupalabhya kiriiTakoTiM vaachaspatiprabhR^itayastava

varNayantu .. 97 ..

 

praadurbhavattaraNibimbashataaruNaani

paryaaptashiitakiranaayutashiitalaani .

shR^i~Ngaarasaaraparivaahamayaani maatara~Ngaani ke.api charame

januShi smaranti .. 98..

 

pratyugraku~Nkumarasaakalitaa~NgaraagaM

pratya~NgadattamaNibhuuShaNajaalaramyaM .

taambuulapuuritamukhaM taruNenduchuuDaM sarvaaruNaM kimapi vastu

mamaavirastu .. 99 ..

 

ardhaM striyastribhuvane sacharaachare.asmin ardhaM pumaamsa iti

darshayituM bhavatyaa .

striipumsalakShaNamidaM vapuraadR^itaM yattenaasi devi viditaa

trijagacChariiraa .. 100 ..

 

nirmaasi samharasi nirvahasi trilokiiM vR^ittaantametamapi vetti na

vaa maheshaH .

tasyeshwarasya girije tava saahacharyaajjaataH shrutiShwapi

jagajjanakatvavaadaH .. 101 ..

 

sattaasyakhaNDasukhasamvidasi trilokiisargasthitipratihatiShwapi

nirvyapekShaa .

tvaamantareNa shiva ityavashiShyate kimardhaM shivasya

bhavatiityanabhij~navaadaH .. 102 ..

 

naasminravistapati naatra vivaati vaato naasya pravR^ittimapi veda

jagatsamastam .

antaHpuraM tadidamiidR^ishamantakaarerasmaadR^ishaastu sukhamatra

charanti baalaaH .. 103 ..

 

tvatsannidhaanarahito mama maastu deshastvattatvabodharahitaa mama

maastu vidyaa .

tvatpaadabhaktirahito mama maastu va~Mshastvacchintayaa virahitaM

mama maastu chaayuH .. 104 ..

 

tvaM devi yaadR^igasi taadR^igasi tvamiidR^igeveti vaktumapi

boddhumapi kShamaH kaH .

maameva taavadavidannatipaamaro.ahaM maataH stutiM tvayi samarpayituM

vilajje .. 105 ..

 

kaachitkR^itaa kR^itiriti tvayi saa.arpiteti kaapi pramodakaNikaa na

mamaa~Mtara~Nge .

mauDhyaM madiiyamiha yadviditaM mamaiva kiM tvamba vishwasimi

diinasharaNyataaM te .. 106 ..

 

kaalaanapaasya viShuvaayanasa~Nkramaadiinasta~Ngate himakare cha

divaakare cha .

amba smareyamapi te

charaNaaravindamaanandalakShaNamapaastasamastabhedam .. 107 ..

 

chaturadhyaayiiruupaM kalahamsavya~njana~M jaganmaatuH .

aparabrahmamayaM vapurantaH shashikhaNDamaNDanamupaase .. 108 ..

 

.. iti shrii niilakaNThadiikShitavirachitaH shrii

aanandasaagarastavaH sampuurNaH ..

 

.. shrii raajaraajeshwarii priiyataam ..