yamunAShTakam (version 2)

[Guest guest]

Namaste,

 

Sincere thanks to Ravi for adding me to the list. I

had sent a version of the yamunAShTakam earlier. Here

is the other version.

 

Regards,

Sridhar.

 

... shrIH ..

... yamunAShTakam ..

 

kR^ipApArAvArA.n tapanatanayA.n tApashamanI.n

murAripreyasyA.n bhavabhayadavA.n bhaktivaradAm .

viyajjvAlonmuktA.n shriyamapi sukhApteH paridina.n

sadA dhIro nUna.n bhajati yamunA.n nityaphaladAm .. 1 ..

 

madhuvanachAriNi bhAskaravAhini jAhnavisaN^gini sindhusute

madhuripubhUShaNi mAdhavatoShiNi gokulabhItivinAshakR^ite .

jagadaghamochini mAnasadAyini keshavakelinidAnagate

jaya yamune jaya bhItinivAriNi sa.nkaTanAshini pAvaya mAm .. 2 ..

 

ayi madhure madhumodavilAsini shailavidAriNi vegapare

parijanapAlini duShTaniShUdini vA~nChitakAmavilAsadhare .

vrajapuravAsijanArjitapAtakahAriNi vishvajanoddharike

jaya yamune jaya bhItinivAriNi sa.nkaTanAshini pAvaya mAm .. 3 ..

 

ativipadambudhimagnajana.n bhavatApashatAkulamAnasaka.n

gatimatihInamasheShabhayAkulamAgatapAdasarojayugam .

R^iNabhayabhItimaniShkR^itipAtakakoTishatAyutapu~njatara.n

jaya yamune jaya bhItinivAriNi sa.nkaTanAshini pAvaya mAm .. 4 ..

 

navajaladadyutikoTilasattanuhemabhayAbharara~njitake

taDidavahelipadA~nchalacha~nchalashobhitapItasucheladhare .

maNimayabhUShaNachitrapaTAsanara~njitaga~njitabhAnukare

jaya yamune jaya bhItinivAriNi sa.nkaTanAshini pAvaya mAm .. 5 ..

 

shubhapuline madhumattayadUdbhavarAsamahotsavakelibhare

uchchakulAchalarAjitamauktikahAramayAbhararodasike .

navamaNikoTikabhAskaraka~nchukishobhitatArakahArayute

jaya yamune jaya bhItinivAriNi sa.nkaTanAshini pAvaya mAm .. 6 ..

 

karivaramauktikanAsikabhUShaNavAtachamatkR^itacha~nchalake

mukhakamalAmalasaurabhacha~nchalamattamadhuvratalochanike .

maNigaNakuNDalalolaparisphuradAkulagaNDayugAmalake

jaya yamune jaya bhItinivAriNi sa.nkaTanAshini pAvaya mAm .. 7 ..

 

kalaravanUpurahemamayAchitapAdasaroruhasAruNike

dhimidhimidhimidhimitAlavinoditamAnasama~njulapAdagate .

tava padapaN^kajamAshritamAnavachittasadAkhilatApahare

jaya yamune jaya bhItinivAriNi sa.nkaTanAshini pAvaya mAm .. 8 ..

 

bhavottApAmbhodhau nipatitajano durgatiyuto

yadi stauti prAtaH pratidinamanyAshrayatayA .

hayAhreShaiH kAma.n karakusumapu~njai ravisutA.n

sadA bhoktA bhogAnmaraNasamaye yAti haritAm .. 9 ..

 

iti shrImatparamaha.nsaparivrAjakAchAryasya

shrIgovindabhagavatpUjyapAdashiShyasya

shrImachCha.nkarabhagavataH kR^itau

yamunAShTakam sa.npUrNam ..