shrImUkapa~nchashatI (corrected)

[Guest guest]

Namaskaram,

 

Apart from the main text, the other place where i used

"ksh" in error was the very first verse

 

------------------------

mAtA marakatashyAmA mAta~NgI madashAlinI

kuryAt kaTAkSha.n kalyANI kadambavanavAsinI ..

------------------------

 

Main text (corrected) follows. Will continue posting from

verse 53 onward tomorrow.

 

Regards,

Sridhar.

-------------------------

 

kAraNaparachidrUpA kA~nchIpurasImni kAmapIThagatA .

kAchana viharati karuNA kAshmIrastabakakomalA~NgalatA .. 1 ..

 

ka.nchana kA~nchInilaya.n karadhR^itakodaNDavANasR^iNipAsham .

kaThinastanabharanamra.n kaivalyAnandakandamavalambe .. 2 ..

 

chintitaphalaparipoShaNachintAmaNireva kA~nchinilayA me .

chiratarasucharitasulabhA chitta.n shishirayatu chitsukhAdhArA .. 3 ..

 

kuTilakacha.n kaThinakucha.n kundasmitakAnti kuN^kumachChAyam .

kurute vihR^iti.n kA~nchyA.n kulaparvatasArvabhaumasarvasvam .. 4 ..

 

pa~nchasharashAstrabodhanaparamAchAryeNa dR^iShTipAtena .

kA~nchIsImni kumArI kAchana mohayati kAmajetAram .. 5 ..

 

parayA kA~nchIpurayA parvataparyAyapInakuchabharayA .

paratantrA vayamanayA paN^kajasabrahmachArilochanayA .. 6 ..

 

aishcharyamindumauleraikatmyaprakR^iti kA~nchimadhyagatam .

aindavakishorashekharamaida.nparya.n chakAsti nigamAnAm .. 7 ..

 

shritakampasImAna.n shithilitaparamashivadhairyamahimAnam .

kalaye paTalimAna.n ka.nchana ka~nchukitabhuvanabhUmAnam .. 8 ..

 

AdR^itakA~nchInilayamAdyAmArUDhayauvanATopAm .

Agamavata.nsakalikAmAnandAdvaitakandalI.n vande .. 9 ..

 

tuN^gAbhirAmakuchabharashR^iN^gAritamAshrayAmi kA~nchigatam .

gaN^gAdharaparatantra.n shR^iN^gArAdvaitatantrasiddhAntam .. 10 ..

 

kA~nchIratnavibhUShA.n kAmapi kandarpasUtikApAN^gIm .

paramA.n kalAmupAse parashivavAmAN^kapIThikAsInAm .. 11 ..

 

kampAtIcharANA.n karuNAkorakitadR^iShTipAtAnAm .

kelIvana.n mano me keShA.nchidbhavatu chidvilAsAnAm .. 12 ..

 

AmratarumUlavasaterAdimapuruShasya nayanapIyUSham .

ArabdhayauvanotsavamAmnAyarahasyamantaravalambe .. 13 ..

 

adhikA~nchi paramayogibhirAdimaparapIThasImni dR^ishyena .

anubaddha.n mama mAnasamaruNimasarvasvasa.npradAyena .. 14 ..

 

aN^kitasha.nkaradehAmaN^kuritorojakaN^kaNAshleShaiH .

adhikA~nchi nityataruNImadrAkSha.n kA.nchidadbhutA.n bAlAm .. 15 ..

 

madhuradhanuShA mahIdharajanuShA nandAmi surabhibANajuShA .

chidvapuShA kA~nchipure kelijuShA bandhujIvakAntimuShA .. 16 ..

 

madhurasmitena ramate mA.nsalakuchabhAramandagamanena .

madhyekA~nchi mano me manasijasAmrAjyagarvabIjena .. 17 ..

 

dharaNimayI.n taraNimayI.n pavanamayI.n gaganadahanahotR^imayIm .

ambumayImindumayImambAmanukampamAdimAmIkShe .. 18 ..

 

lInasthiti munihR^idaye dhyAnastimita.n tapasyadupakampam .

pInastanabharamIDe mInadhvajatantraparamatAtparyam .. 19 ..

 

shvetA mantharahasite shAtA madhye cha vADbhano.atItA .

shItA lochanapAte sphItA kuchasImni shAshvatI mAtA .. 20 ..

 

purataH kadA na karavai puravairivimardapulakitAN^galatAm .

punatI.n kA~nchIdesha.n puShpAyudhavIryasarasaparipATIm .. 21 ..

 

puNyA kA.api pura.ndhrI puN^khitakandarpasa.npadA vapuShA .

pulinacharI kampAyAH puramathana.n pulakanichulita.n kurute .. 22 ..

 

tanimAdvaitavalagna.n taruNAruNasa.npradAyatanulekham .

taTasImani kampAyAstaruNimasarvasvamAdyamadrAkSham .. 23 ..

 

pauShTikakarmavipAka.n pauShpashara.n savidhasImni kampAyAH .

adrAkShamAttayauvanamabhyudaya.n ka.nchidardhashashimaulaiH .. 24 ..

 

sa.nshritakA~nchIdeshe sarasijadaurbhAgyajAgradutta.nse .

sa.nvinmaye vilIye sArasvatapuruShakArasAmrAjye .. 25 ..

 

moditamadhukaravishikha.n svAdimasamudAyasArakodaNDam .

AdR^itakA~nchIkhelanamAdimamAruNyabhedamAkalaye .. 26 ..

 

urarIkR^itakA~nchipurImupaniShadaravindakuharamadhudhArAm .

unnamrastanakalashImutsavalaharImupAsmahe sha.nbhoH .. 27 ..

 

eNashishudIrghalochanamenaHparipanthi sa.ntata.n bhajatAm .

ekAmranAthajIvitameva.npadadUramekamavalambe .. 28 ..

 

smayamAnamukha.n kA~nchIbhayamAna.n kamapi devatAbhedam .

dayamAna.n vIkShya muhurvayamAnandAmR^itAmbudhau magnAH .. 29 ..

 

kutukajuShi kA~nchideshe kumudataporAshipAkashekharite .

kurute manovihAra.n kulagiriparibR^iDhakulaikamaNidIpe .. 30 ..

 

vIkShemahi kA~nchipure vipulastanakalashagarimaparavashitam .

vidrumasahacharadeha.n vibhramasamavAyasArasa.nnAham .. 31 ..

 

kuruvindagotragAtra.n kUlachara.n kamapi naumi kampAyAH .

kUla.nkaShakuchakumbha.n kusumAyudhavIryasArasa.nrambham .. 32 ..

 

kuDUmalitakuchakishoraiH kurvANaiH kA~nchideshasauhArdam .

kuN^kumashoNairnichita.n kushalapatha.n sha.nbhusukR^itasa.nbhAraiH .. 33 ..

 

aN^kitakachena kenachidandha.nkaraNauShadhena kamalAnAm .

antaHpureNa sha.nbhorala.nkriyA kA.api kalpyate kA~nchyAm .. 34 ..

 

UrIkaromi sa.ntatamUShmalaphAlena lalita.n pu.nsA .

upakampamuchitakhelanamurvIdharava.nshasa.npadunmeSham .. 35 ..

 

aN^kuritastanakorakamaN^kAla.nkAramekachUtapateH .

Alokemahi komalamAgamasa.nlApasArayAthArthyam .. 36 ..

 

pu~njitakaruNamuda~nchitashi~njitamaNikA~nchi kimapi kA~nchipure .

ma~njaritamR^idulahAsa.n pi~njaratanuruchi pinAkimUladhanam .. 37 ..

 

lolahR^idayo.asti sha.nbhorlochanayugalena lehyamAnAyAm .

lalitaparamashivAyA.n lAvaNyAmR^itataraN^gamAlAyAm .. 38 ..

 

madhukarasahacharachikurairmadanAgamasamayadIkShitakaTAkShaiH .

maNDitakampAtIrairmaN^galakandairmamAstu sArUpyam .. 39 ..

 

vadanAravindavakShovAmAN^kataTIvasha.nvadIbhUtA .

pUruShatritaye tredhA pura.ndhrirUpA tvameva kAmAkShi .. 40 ..

 

bAdhAkarI.n bhavAbdherAdhArAdyambujeShu vicharantIm .

AdhArIkR^itakA~nchI bodhAmR^itavIchimeva vimR^ishAmaH .. 41 ..

 

kalayAmyantaH shashadharakalayA.aN^kitamaulimamalachidvalayAm .

alayAmAgamapIThInilayA.n valayAN^kasundarImambAm .. 42 ..

 

sharvAdiparamasAdhakagurvAnItAya kAmapIThajuShe .

sarvAkR^itaye shoNimagarvAyAsmai samarpyate hR^idayam .. 43 ..

 

samayA sA.ndhyamayUkhaiH samayA buddhayA sadaiva shIlitayA .

umayA kA~nchIratayA na mayA labhyate ki.n nu tAdAtmyam .. 44 ..

 

jantostava padapUjanasa.ntoShataraN^gitasya kAmAkShi .

vandho yadi bhavati punaH sindhorambhassu bambhramIti shilA .. 45 ..

 

kuNDali kumAri kuTile chaNDi charAcharasavitri chAmuNDe .

guNini guhAriNi guhye gurumUrte tvA.n namAmi kAmAkShi .. 46 ..

 

abhidAkR^itirbhidAkR^itirachidAkR^itirapi chidAkR^itirmAtaH .

anaha.ntA tvamaha.ntA bhramayasi kAmAkShi shAshvatI vishvam .. 47 ..

 

shiva shiva pashyanti sama.n shrIkAmAkShIkaTAkShitAH puruShAH .

vipina.n bhavanamamitra.n mitra.n loShTa.n cha yuvatibimboShTham .. 48 ..

 

kAmaparipanthikAmini kAmeshvari kAmapIThamadhyagate .

kAmadughA bhava kamale kAmakale kAmakoTi kAmAkShi .. 49 ..

 

madhyehR^idaya.n madhyeniTila.n madhyeshiro.api vAstavyAm .

chaNDakarashakrakArmukachandrasamAbhA.n namAmi kAmAkShIm .. 50 ..

 

adhikA~nchi kelilolairakhilAgamayantratantramayaiH .

atishIta.n mama mAnasamasamasharadrohijIvanopAyaiH .. 51 ..

 

nandati mama hR^idi kAchana mandirayantA nirantara.n kA~nchIm .

induravimaNDalakuchA binduviyannAdapariNatA taruNI .. 52 ..