shrImUkapa~nchashatI (2.100 - 2.103)

[Guest guest]

... shrIkAraNaparachidrUpAyai namaH ..

 

manIShA.n mAhendrI.n kakubhamiva te kAmapi dashA.n

pradhatte kAmAkShyAshcharaNataruNAdityakiraNaH .

yadIye sa.nparke dhR^itarasamarandA kavayatA.n

parIpAka.n dhatte parimalavatI sUktinalinI .. 100 ..

 

purA mArArAtiH puramajayadamba stavashataiH

prasannAyA.n satyA.n tvayi tuhinashailendratanaye .

ataste kAmAkShi sphuratu tarasA kAlasamaye

samAyAte mAtarmama manasi pAdAbjayugalam .. 101 ..

 

padadvandva.n manda.n gatiShu nivasanta.n hR^idi satA.n

girAmante bhrAnta.n kR^itakarahitAnA.n paribR^iDhe .

janAnAmAnanda.n janani janayanta.n praNamatA.n

tvadIya.n kAmAkShi pratidinamaha.n naumi vimalam .. 102 ..

 

ida.n yaH kAmAkShyAshcharaNanalinastotrashataka.n

japennitya.n bhaktyA nikhilajagadAhlAdajanakam .

sa vishveShA.n vandyaH sakalakavilokaikatilakaH

chira.n bhuktvA bhogAnpariNamati chidrUpakalayA .. 103 ..

 

\centerline {pAdAravindashataka.n sa.npUrNam ..}