vedasaarashivastotram

[Guest guest]

... shrIH ..

... vedasaarashivastotram ..

 

pashuunaaM patiM paapanaashaM pareshaM

gajendrasya kR^ittiM vasaanaM vareNyam.h .

jaTaajuuTamadhye sphuradgaaN^gavaariM

mahaadevamekaM smaraami smaraarim.h .. 1 ..

 

maheshaM sureshaM suraaraatinaashaM

vibhuM vishvanaathaM vibhuutyaN^gabhuushham.h .

viruupaakShamindvarkavahnitrinetraM

sadaanandamiiDe prabhuM pa~nchavaktram.h .. 2..

 

giriishaM gaNeshaM gale niilavarNaM

gavendraadhiruuDhaM guNaatiitaruupam.h .

bhavaM bhaasvaraM bhasmanaa bhuushhitaaN^gaM

bhavaaniikalatraM bhaje pa~nchavaktram.h .. 3 ..

 

shivaakaanta shaMbho shashaaN^kaardhamaule

maheshaana shuuli~njaTaajuuTadhaarin.h .

tvameko jagadvyaapako vishvaruupaH

prasiida prasiida prabho puurNaruupa .. 4 ..

 

paraatmaanamekaM jagadbiijamaadyaM

niriihaM niraakaaramo.nkaaravedyam.h .

yato jaayate paalyate yena vishvaM

tamiishaM bhaje liiyate yatra vishvam.h .. 5 ..

 

na bhuumirnaM chaapo na vahnirna vaayu\-

rna chaakaashamaaste na tandraa na nidraa .

na choShNaM na shiitaM na desho na veSho

na yasyaasti muurtistrimuurtiM tamiiDe .. 6 ..

 

ajaM shaashvataM kaaraNaM kaaraNaanaaM

shivaM kevalaM bhaasakaM bhaasakaanaam.h .

turiiyaM tamaHpaaramaadyantahiinaM

prapadye paraM paavanaM dvaitahiinam.h .. 7 ..

 

namaste namaste vibho vishvamuurte

namaste namaste chidaanandamuurte .

namaste namaste tapoyogagamya

namaste namaste shrutiGYaanagamya .. 8 ..

 

prabho shuulapaaNe vibho vishvanaatha

mahaadeva shaMbho mahesha trinetra .

shivaakaanta shaanta smaraare puraare

tvadanyo vareNyo na maanyo na gaNyaH .. 9 ..

 

shaMbho mahesha karuNaamaya shuulapaaNe

gauriipate pashupate pashupaashanaashin.h .

kaashiipate karuNayaa jagadetadeka\-

stvaM ha.nsi paasi vidadhaasi maheshvaro.asi .. 10 ..

 

tvatto jagadbhavati deva bhava smaraare

tvayyeva tishhThati jaganmR^iDa vishvanaatha .

tvayyeva gachchhati layaM jagadetadiisha

liN^gaatmake hara charaacharavishvaruupin.h .. 11 ..

 

iti shrImatparamaha.nsaparivrAjakAchAryasya

shrIgovindabhagavatpUjyapAdashiShyasya

shrImachCha.nkarabhagavataH kR^itau

vedasaarashivastotra.n sa.npUrNam ..