shrImUkapa~nchashatI - shrImukham

[Guest guest]

Here is paramAchAryAl's shrImukham for the text..

 

Sridhar.

____________________

 

\centerline {.. shrIH ..}

\centerline {.. shrIchandramaulIshvara ..}

\centerline {mudrA}

 

svasti srimadakhilabhUmaNDalAla.nkAra\-trayastri.nshatkoTi\-

devatAsevita shrIkAmAkShIdevIsanAtha\-shrImadekAmranAtha\-

shrImahAdevIsanAtha\-shrIhastinirinAtha\-sAkShAtkAraparama\-

adhiShThAnasatyavratanAmAN^kita\-kA~nchIdivyakShetre shAradA\-

maThasusthitAnAm, atulitasudhArasamAdhuryakamalAsanakAminI\-

dhammilla sa.nphullamallikAmAlikAniShyandamakarandajharI\-

sauvastikavAN^.hnigumbhavijR^i.nbhaNAnandatundilitamaNIShi\-

maNDalAnAm, anavaratAdvaitavidyAvinodarasikAnAm,

nirantarAla.nkR^itIkR^itashAntidAntibhUmnAm, sakalabhuvana\-

chakrapratiShThApaka shrIchakrapratiShThAvikhyAtayasho.ala.nkR^itAnAm,

nikhilapAShaNDaShaNDakaNTakoddhATanena vishadIkR^itavedavedAnta\-

mArgaShaNmatapratiShThApakAchAryANAm, shrImatparamaha.nsaparivrAjaka\-

AchAryavarya\-shrIjagadguru shrImachchha.nkarabhagavatpAdAchAryANAm

adhiShThAne si.nhAsanAbhiShikta shrImanmahAdevendrasarasvatI\-

sa.nyamIndrANAm, antevAsivarya shrImachchandrashekharendrasarasvatI

shrIpAdaiH .

 

\centerline {kriyate nArAyaNasmR^itiH}

 

tatrabhavAn mUka iti suprasiddhaH mahAkavishiromaNiH

shrIkAmAkShIdevIkaruNAkaTAkShataraN^gitapuNyakavitArasapUraH

`mUkapa~nchashatI' iti karturnAmnA prasiddhamima.n lokottara.n

grantha.n praNIya bhUmaNDale.anuttama.n puNyayashovisheSha.n shAshvatI.n

parAnandAnubhUti.n cha labdhavAniti suviditameva . stotraratne

chAsmin kA~nchImadhyagata kAmakoTipIThAdhiShThAtrIm

indumauleraishvaryarUpA.n shrIkAmAkShI.n paradevatAm,

ArUDhayauvanATopA, taruNimasarvasva.n, nityataruNI,

lAvaNyAmR^itataraN^gamAlA, vibhramasamavAyasArasannAhA,

shR^iN^gArAdvaitatantrasiddhAnta.n, mInadhvajatantraparamatAtparya.n,

kandarpasUtikApAN^gI, manasijasAmrAjyagarvabIja.n,

puShpAyudhavIryasarasaparipATI, madanAgamasamayadIkShita\-

kaTAkShA, kusumasharagarvasa.npatkoshagR^iham, anaN^gabrahmatattva\-

bodhasirA, pa~nchasharashAstrabodhanaparamAchAryadR^iShTipAtA

ityAdirUpeNa varNayan punaH lAvaNyamR^itaparakAShThAbhUtA.n

tAmeva paradevatA.n, kAraNaparachidrUpA, kaivalyAnandakandaH,

AmnAyarahasyam, upaniShadaravindakuharamadhudhArA,

vAN^mano.atItA, AnandAdvaitakandalI, muktibIjam,

AgamasallApasArayAthArthya.n, bodhAmR^itavIchI, abhidAkR^itiH,

aikAtmyaprakR^itiH, nigamavachassiddhAntaH, gurumUrtiH, ityeva.n\-

rUpeNa sAkShatkurvan yauvanashR^iN^gArAdiviShayarasAnubhava\-

sAmagrI.n j~nAnavairAgyAdibrahmAnandAnubhavasAmagrItvena

sa.npAdayan \-

 

"shiva shiva pashyanti sama.n shrIkAmAkShIkaTAkShitAH puruShAH .

vipina.n bhavanamamitra.n mitra.n loShTa.n cha yuvatibimboShTham .."

 

iti paradevatAnugrahaphalIbhUtA.n paravairAgyakAShThA.n prakaTayati .

[AryA 48]

 

padmapa~nchashatakAtmake.atra granthe shatakAnA.n yA AnupUrvI

tasyAmaya.n visheSho dR^ishyate . yathA kashchana shishuH chakShurAdi

indriyaprAgalbhyAvirbhAvAtpUrva.n manovR^ittimAtreNa kalayati

svepsitam ; evamAryAshatake bhaktashishoH manaH pravR^ittim

ambikAyAH svarUpAnusandhAnapaTIyasI.n sa.npAdayati

kavipuN^gavaH ; ayamAshayaH \-

 

"antarapi bahirapi tva.n jantutaterantakAntakR^idahante .

chintitasa.ntAnavatA.n sa.ntatamapi tantanIShi mahimAnam .. "

iti shlokena sUchitaH .. [AryA 98]

 

dvitIyashatake tAvat yathA ki~nchitpravR^iddhagrahaNashaktiH

bAlakaH khAntike vidyamAnasya vastunaH darshana\-

sparshanAdibhiH AhlAdamadhigachchhati tadvat bhaktabAlakaH

atyantamadhobhAge vidyamAnasya svasyAntikatvenaiva

jaganmAtuH nirantaradhyAnaphalIbhUta pAdAravinda darshana\-

AnandamanubhavatItyayamAshayaH \-

 

"marAlInA.n yAnAbhyasanakalanAmUlagurave

daridrANA.n trANavyatikarasurodyAnatarave .

tamaskANDaprauDhiprakaTanatiraskArapaTave

jano.aya.n kAmAkShyAshcharaNanalinAya spR^ihayate .."

iti shlokena sUchitaH .. [pAdAravinda 3]

 

yathA manasaH j~nAnendriyANA.n cha sphUrtyanantarameva

vAkprasarati, tathaiva AryApAdAravindashatakayoranantara.n

svapremAspada.n vastu nirargala.n stotumArabhate \-

 

"pANDitya.n parameshvari stutividhau naivAshrayante girA.n

vairi~nchAnyapi gumphanAni vigaladgarvANi sharvANi te .

stotu.n tvA.n pariphullanIlanalinashyAmAkShi kAmAkShi mA.n

vAchAlIkurute tathApi nitarA.n tvatpAdasevAdaraH .."

itAdinA stutishatakena . [stuti 1]

 

laukikAvidyAdiShu kushalaH kashchana yathA laukikasa.npadaH

prApturmaho bhavati tadvat pUrvakR^itastutiphalatvena bhaktaH

ambikAyAH kaTAkShavisheShamadhigamya parasa.nvidanubhUtya\-

uchitatejaHpuShTyAdipAtra.n bhavatItyayamAshayaH\-

 

"asta.n kShaNAnnayatu me paritApasUrya\-

mAnandachandramasamAnayatA.n prakAsham .

kAlAndhakArasuShamA.n kalayan digante

kAmAkShi komalakaTAkShanishAgamaste .."

 

ityAdibhirvarNanaiH kaTAkShashatake sUchitaH .. [kaTAkSha 6]

 

yathA laukikasa.npatsa.npUrNaH kashchana samagrayauvanaH

laukikashR^iN^gArasukhAnubhavAya pAtra.n bhavati, tadvat

devyAH paramAnugrahapAtrIbhUtaH tadIyamandasmita\-

chandrikAsanAthaH Anandachandra iva alaukika\-

niratishayAnandAnubhavAtmakaH prakAshata iti

amUmeva bhAvapraNAlikA.n mahAkaviH svayameva

pa~nchashatIpurti.npadyena AviShyakaroti . yathA \-

 

"AryAmeva vibhAvayanmanasi yaH pAdAravinda.n puraH

pashyannArabhate stuti.n sa niyata.n labdhvA kaTAkShachchhavim .

kAmAkShyA mR^idulasmitA.nshulaharIjyotsnAvayasyAnvitA\-

mArohatyapavargasaudhavalabhImAnandavIchImayIm .."

 

iti . [mandasmita 101]

 

asyA lokottarAyAH stuteH paThanamAtreNa tatkShaNe

mahAkavinA.amunA antataH paradevatayaiva vA

aikAtmyamanubhavatIva sAdhakaH .

 

tadida.n grantharatna.n drAviDabhAShAmayArthAnuvAda\-

sahitamachirAdeva mahatA parishrameNa bhaktibhareNa

mudrApya shrI kAmAkShI devI kumbhAbhiSheka shubha\-

muhUrta eva upahArIkR^itavate, mudrApaNadiviShaye parama.n

sAhAyyamAcharitavadbhayaH, tadgranthapaThitR^ibhyashcha

bhaktapuN^gavebhyaH shrIkAmAkShIkaTAkShAH samulla\-

santvityAshAsmahe ..

 

\centerline {.. iti nArAyaNasmR^itiH ..}