varAhImukhIstavaH

[Guest guest]

\centerline {varAhImukhIstavaH}

\centerline {(vArAhyanugrahAShTakam)}

 

kuvalayanibhA kausheyArdhorukA mukuTojjvalA

halamusalinI sadbhaktebhyo varAbhayadAyinI .

kapilanayanA madhye kShAmA kaThoraghanastanI

jayati jagatA.n mAtaH sA te varAhamukhI tanuH .. 1 ..

 

tarati vipado ghorA dUrAt parihriyate bhaya\-

skhalitamatibhirbhUtapretaiH svaya.n vriyate shriyA .

kShapayati ripUnIShTe vAchA.n raNe labhate jaya.n

vashayati jagat sarva.n vArAhi yastvayi bhaktimAn .. 2 ..

 

stimitagatayaH sIdadvAchaH parichyutahetayaH

kShubhitahR^idayAH sadyo nashyaddR^isho galitaujasaH .

bhayaparavashA bhagnotsAhAH parAhatapauruShA

bhagavati purastvadbhaktAnA.n bhavanti virodhinaH .. 3 ..

 

kisalayamR^idurhastaH klishyate kandukalIlayA

bhagavati mahAbhAraH krIDAsaroruhameva te .

tadapi musala.n dhatse haste hala.n samayadruhA.n

harasi cha tadAghAtaiH prANAnaho tava sAhasam .. 4 ..

 

janani niyatasthAne tvadvAmadakShiNapArshvayo\-

rmR^idubhujalatAmandotkShepapraNartitachAmare .

satatamudite guhyAchAradruhA.n rudhirAsavai\-

rupashamayatA.n shatrUn sarvAnubhe mama devate .. 5 ..

 

haratu durita.n kShetrAdhIshaH svashAsanavidviShA.n

rudhiramadirAmattaH prANopahArabalipriyaH .

aviratachaTatkurvadda.nShTrAsthikoTiraTanmuko

bhagavati sa te chaNDochchaNDaH sadA purataH sthitaH .. 6 ..

 

kShubhitamakarairvIchIhastoparuddhaparasparai\-

shchaturadadhibhiH krAntA kalpAntadurlalitodakaiH .

janani kathamuttiShThet pAtAlasadmabilAdilA

tava tu kuTile da.nShTrAkoTI na chedavalambanam .. 7 ..

 

tamasi bahule shUnyATavyA.n pishAchanishAchara\-

pramathakalahe choravyAghroragadvipasa.nkaTe .

kShubhitamanasaH kShudrasyaikAkino.api kuto bhaya.n

sakR^idapi mukhe mAtastvannAma sa.nnihita.n yadi .. 8 ..

 

viditavibhava.n hR^idyaiH padmairvarAhamukhIstava.n

sakalaphalada.n pUrNa.n mantrAkSharairimameva yaH .

paThati sa paTuH prApnotyAyushchira.n kavitA.n priyA.n

sutasukhadhanArogya.n kIrti.n shriya.n jayamurvarAm .. 9 ..

 

\centerline {iti shrIvarAhamukhIstavaH samAptaH}