reNukAstotram

[Guest guest]

\centerline {reNukAstotram}

 

pAkAmR^itA.nshumakuTAbharaNA bhavAnI

shokApahA natajanasya shubhAkhilAN^gI .

kokAkR^itistanabharA kushalAni nitya.n

mUkAmbikA mama tanotu munIndravandyA .. *

 

kAlAgnyAdi shivAvasAnamakhila.n te gulphadaghna.n shive

mUrti.n kIrtayitu.n na kasya rasanA lajjAmbudhau majjati .

tasmAt tvachcharaNaikadeshanakharajyotiHsphuliN^gA iva

sphUrjanti prabhaviShNavashcha satata.n te padmanAbhAdayaH .. 1 ..

 

kalpaH ko.api sa shA.nbhavo vijayate mAtastvayA kalpito

yatrAnalpavikalpajAlavimukhaH kashchidvipashchit paraH .

sA tva.n sattvavatAmapIha sulabhA naivAsi ki.n stUyase

svachchhanda.n shishavo yathA tava punaH krIDanti vedA ime .. 2 ..

 

lIlAchAmaradhAriNIsahacharIgatyA mahAsiddhayo

nUna.n va~nchayitu.n sphuranti bhavatIkAruNyashUnya.n janam .

amba tvannayanA~nchala.n karuNayA yasmin parikrIDate

tasya dvAri nivArito.api kurute sevA.n surANA.n gaNaH .. 3 ..

 

A pAtAlatalAt phaNIshvarashiroratnA.nshunIrAjitA\-

dA sarvaj~naniketanAdapi shikhAyautA.nshudhautAN^kaNAt .

ekachchhatramavApya vaibhavamaho dIvyanti te sa.ntata.n

ye sa.ndhyAchalanishchala.n tava pada.n dhyAyanti gAyanti cha .. 4 ..

 

ye tvAmamba palAshabilvakusumairullAsibhirmallikA\-

puShpairvA vanamallikAvirachitairuddAmabhirdAmabhiH .

mugdhonmIlitamAlatIbhirabhitaH sa.npUjayantyAdarAt

teShAmuddhR^itasaurabhA pratidina.n vyAjR^imbhate bhAratI .. 5 ..

 

tvA.n sahyAchalamaulisusthitapadA.n shrI\-ekavIrAmbike

ye limpanti sachandrachandanarasaisteShA.n sudhAsrAviNI .

vANIvismayavarNyamAnagirishavyAlolagaN^gAjala\-

svachchhandormitapara.nparAvijayinI vANI narInR^ityati .. 6 ..

 

ye tvA.n brAhmamuhUrtanirmaladhiyastvAdhAratashchintaya\-

ntyUrdhva.n mUrdhni saroruhe.atidhavale pIyUShadhArAvR^ite .

te mR^ityu.n sahasA vijitya rachayantyuchchairgati.n nityashaH

pratyAdiShTapuraHsudhAkarasudhAha.nbhAvasa.nbhAvitAH .. 7 ..

 

yastvA.n pashyati tasya nashyati mahApApAndhakAraH kShaNAt

ki.n chArdhAdapare purANapuruShaprANapriye pArvati .

mUrdhnastasya tato bhavet kR^itadhiyaH shrI\-ekavIrAmbike

dR^ishyante na manAgapIha yadiya.n pratyakShamudyotase .. 8 ..

 

ki.n yogena kimarchanena kimatha j~nAnena ki.n karmaNA

ki.n dhyAnena kimijyayA kimathavA dAnena ki.n dIkShayA .

dR^ishyante yadi sahyashailashikharashrIgarvitAH sarvadA

mAtaH pArvati reNuke tava padAmbhojaprabhAvibhramAH .. 9 ..

 

he sahyAchalanityakelirasike karpUrakastUrikA\-

vinyastAgarukuN^kumairmalayajaistva.n charchitAbhyarchitA .

te dIvyanti surendramukhyavibudhashreNIkirITasphura\-

nmANikyapratibimbitAruNapadasthAH sa.npradAH sa.npadAm .. 10 ..

 

he sahyAdrivinidraliN^gavapuShi shrI\-ekavIrAmbike

tvA.n kR^iShNAgarugugguluprabhR^itibhirye dhUpayantyAdarAt .

te kailAsanivAsinIbhirabhitaH sa.nchAritaishchArubhi\-

rlIlAchAmaramArutaishchiratara.n nandanti rudrA iva .. 11 ..

 

mAtaH shA.nbhavi jR^imbhitAmR^itashilAliN^gAtmike reNuke

tvA.n sahyAdrishirovihArasulabhA.n nIrAjayantyAdarAt .

te bR^indArakabR^indavanditapadAshchandrArkachUDAmaNi\-

jyotirmeduramandirAN^kaNabhuvo bhUti.n labhante.adbhutAm .. 12 ..

 

dUrAdaN^gaNaraN^gasa.ngatarajorAjIvirAjadvapu\-

stubhya.n yaH praNipattimamba kurute kashchit kadAchit kvachit.

sa.nprApya shriyamindusundarayashaHsa.ndohaniShyandinI\-

mante nirviShaya.n svaya.n pravishati shrIshA.nbhava.n vaibhavam .. 13 ..

 

tvAmuddishya kadApi ko.api kimapi kvApi prapadyan naro

bhaktyAveshavashIkR^ito japati vA yo yajjuhotyAdarAt .

tat tasyAkShayameva devi bhavati svargApavargaprada.n

tvannAmasmaraNa.n gato vijayate sarvo.api sharvo janaH .. 14 ..

 

mAtastvachcharaNena yAsyati chira.n rudro.api bhadrAshaya\-

shchUDAchandrakalAmarIchinichayairAchAntaratnAsanaiH .

tattvAnAmupari sthito vijayate vAmAdibhirnAmabhiH

shrIkAmeshvari dakShaputri girije tva.n reNuke rakSha mAm .. 15 ..

 

mAtarbhairavi bhargapatni girije gAyatri gotrAtmike

durge gauri sarasvati triNayane shrIsiddhalakShmI dhR^ite .

nitye mR^ityuvikArahAriNi shive shrI\-ekavIrAmbike

so.aha.n te sharaNAgataH karuNayA tva.n reNuke rakSha mAm .. 16 ..

 

\centerline {iti shrIreNukAstotra.n samAptaH}

 

[*] Manuscript adds :

shlokasyAdyantayorvAgbhavamuchchArya paThediti sa.npradAyaH .. AUM ..