Guest guest Posted January 11, 2002 Report Share Posted January 11, 2002 { dvitIya stabakaH } sahAdareNa yo valakshapArijAtamAlayA galasthalIvibhUShayA dhvaniM vinaiva bhAShate || maheshapuNyayoShito manoGYahAsa eSha me vibhUtaye prakalpatAM vidhUtaye ca pApmanAm || 1 || nirantarashrite sadA kR^ipArasapravAhinI vilAsinItanurvibhoH pumAkR^itervimohinI || sudhAtara~NgakalpahAsabhAsurAnanA shivA padAbjalambino dhunotu pApmanaH phalaM mama || 2 || karoti yA bibharti yA nihanti yA jagatrayaM samantato vibhAti yA na dR^iShyate kvacicca yA || atIva guptarUpiNI gurUpadeshamantarA na shakyate budhaishca boddhumandhakArisundarI || 3 || mahAndhakArabandhurasya bhUtasa~nchayasya yA vinidritasya sarvabIjadhAmni maunamudrite || samantato vijR^imbhaNAya bhAsanAya cAbhava\- nmahadvidhAya ceShTitaM mameyamiShTadevatA || 4 || maheshagarbhataH samastabhUtabIjakoshataH kirantyasheShavishvamapyapAradivyavaibhavA || vicitracheShTayA.adhyayA vidhUtanAthanidrayA jagannutA jayatyasAvanAdishaktiradbhutA || 5 || bhavaM bhaNanti tantrikAstvadAshrayaM tamavyayaM samAmananti vaidikAH sadarcite sadAhvayam || na kashcidarthabheda etadAkhyayordvayorbhave\- dbhideyamAdimaM padaM pumAnparaM napuMsakam || 6 || sa cedbhavo.abhidhAnato bhavAnyasi tvamavyaye samIryate sa sadyati tvamamba bhaNyase satI || na te.asti bhAvatA na shaktirUpiNI hi vidyase na vedbhi kAlike kathaM sato.asatashca bhidhyase || 7 || jagadvidhAnakAryataH purA surAsurastute tvamamba jIvitaM bhavasyabhAvamUlavAdinAm || vikalpavarjitA matiH prabodhamUlavAdinAM raso.anapeksha uttamaH pramodamUlavAdinAm || 8 || bhavatyasAvato bhavAnyanAdirantavarjitA jaganti mAti nityamorasau tadabhyadhAyyumA || rasAtmikoshyate.akhilairasau tataH shivocyate paraivamIshitushcitistridhA budhairudIryate || 9 || citiH paraiva kAmanA rasena kenacidyutA citiH paraiva sarvadA.apunanstyajasya tu kriyA || citiH paraiva gocarAvabhAsikA matiH smR^itA tritaivamanyathA citeshcirantanairudIryate || 10 || cikIrShati prabho jvalatvadIyakIlasantate\- rvikIrNadhUmajAlametadambarasthalaM tatam || visR^iShTitaH purA.asi yA shivaprabhutvarUpiNI pR^ithakprabhushca lakshitA.asi sA savitri puShkare || 11 || punarvipAkate ghanIbhavadbhirakshigocharai\- statastataH samujjvalaiH khasUkshmareNugolakaiH || ajANDavR^ikshakoTikandavR^indavadvayadhAH purA maheshadR^iShTimayyume.amba maNDalAni bhAsvatAm || 12 || tapognidhUmajAlake bhavanti taijasANavo bhavanti jIvanANavo bhavanti pArthivANavaH || krameNa tadvisR^iShTirIshashaktipAkavaibhave sahasrabhAnumaNDalaM tu gocarAdi gR^ihyatAm || 13 || mayUkhamAlimaNDale nidhAya pAdamugrayA mayUkhashaktirUpayA tvayA.amba ceShTamAnayA || khakoshataH samAhR^itaiH punastrirUpareNubhi\- rvyadhAyi maNDalAdibhiH saha grahairiyaM mahI || 14 || visarjanena bhUyasA.api devyatR^iptayeyatA viceShTitaM vilakshaNaM punarvyadhIyata tvayA || ihAntare vasundharA\-mayUkhamAlibimbayo\- ramuShya karmaNaH savitri candramaNDalaM phalam || 15 || vadhU\-pumAkR^iti tato babhUvathuryuvAM shive tvamIshvarashca lIlayA vihartumatra viShTape || aho prabhuM nabhastanuM tvadIyagarbhasambhavA dbhaNanti kAli tatra citrabhAShaNAstvadAtmajam || 16 pumAnatho sa bimbato hiraNmayo divAkare dhiyA.api naiva kevalaM hiraNmayeNa varShmaNA|| idaM tu kAryarUpamanyaducyate budhaiH prabho\- rihAntare nR^iNAM punarvapustadamba bimbitAm || 17 || svayaM ca kA~ncanaprakAshavarShmaNA prabhAkare tathA.antare nR^iNAM ca tasya bimbitA.asi sannidhau || rasasya devatA.asi devi puShkare divAkare mayUkhadevatA.asi bhogadevatA.asi dehiShu || 18 || visarjanena bhUyasA nabhasyamutra bhAskare mahIShu cAmbike yuvAM vidhAya dehino bahUn || kshiteH sudhAkaraM gatAnpitR^invinetumavyaye tanU ca tatra babhrathuH prapancarAGYI mAyayA || 19 || nabhontare hiraNmayaM vibhuM pracakshate haraM dineshabimbabimbitaM bhaNanti pa~NkajAsanam || ihAsmadantarAlayaM vadanti vishNumacyutaM savitri janminAmiyaM trimUrtivAdidhoraNI || 20 || nabhontare pracakshate hiraNmayA~NgamIshvaraM dineshabimbapUruShaM hiraNyagarbhamAkhyayA || virAjamAnamaksharaM virAjamantare nR^iNAM savitri tatvavedinAmiyaM tu nAmakalpanA || 21 || hiraNmayA~Ngamambare vadanti somamambike divAkarasya maNDale tu bimbitaM purandaram || sharIriNAmihAntare.agnimAlapanti bhAsuraM cirantanoktidarshinAmiyaM shive praNAlikA || 22 || saroruhAksha\-vAgvadhUmanoharau tu pUrvava\- tsudhAMshubimbapUrushastu rudrasaMGYakaH shive || hiraNmayontarikshajAta IshvaraH sadAshivaH sadeva vastu kA~ncanA~Ngi pa~ncamUrtivAdinAm || 23 || prabho pramA.aditastataH pramAvatI svayaM pR^itha\- gvihAyasA sharIriNI prabhau tatau hiraNmaye || hiraNmayA~NganAkR^itirnabho.antare ca bhAskare tathA.antareShu dehinAM maheshvarI jayatyumA || 24 || madIyamambikA.akhilasya viShTapasya duShTadhI\- daviShTapAdapa~NkajA dhunotu kaShTajAlakam || ime ca komalaiH padairamUlyatalpashAlina\- stadIyama~ncarUpatAM bhajantu pancacAmarA || 25 || dvitIya stabakaH samAptaH || ## { tR^itIyaH stabakaH } shubhrasmitalesho mAturmarutAnnaH || antastimirANAmantaM vidadhAtu ||1 || Adhau bhuvanAnAM mAtA\-pitarau tau || devAsuramartayervandyAvavinindhau ||2|| brUte pR^ithagekastau vigrahavantau || AhaikasharIraM dvandvaM kaviranyaH ||3|| shaktiM tanushUnyA\- mIshaM ca pumAMsam || vakti pramadAyAM sandehayuto.anyaH ||4|| IshaM ca tameke sanmAtramushanti || brahmaikamathAnye gAyanti na shaktim ||5|| kecittanuhInaM praGYAyutamIsham || shaktiM vidurasya praGYAmivakuNThAm ||6|| uktaM dadhatastaiH kecitpunarAhuH || mAyAtanubandhaM nAthasya na shakteH ||7|| nityaM sasharIrau yeShAM pitarau tau || eko.apyathavA tAn pratyAha nisargaH ||8|| mAtApitarau yat tAvekasharIrau || citraprathanArthA sA kAcana lIlA ||9|| sanmAtrakathAnAM kArye manujAdau || dhIsvAntavikAsaH syAtkAraNahInaH ||10|| advaitabhiranyA mAyA.a.ashrayaNIyA || shakteratiriktA sA kiM kimu vAdaiH ||11|| na syAtpR^ithagAtmA shakteH kimupAdheH || cakshuH shritacitte\- rvishvAkR^ititA vA ||12|| ekAntadidehau tau cedatisUkshmau || lIlAtanubandhA\- shaktAvabhidheyau ||13|| bhaktAnanugR^ihNAn divyAdbhutalIlaH || tadvigrahabandho bodhyo lasadarthaH ||14|| strItvaM yadi neShTaM puMstvaM kuta iShTam || nA vA kimu nArI nasyAdanumeyA ||15|| tasmAtpitarau tau vAcyau matimantau || sUkshmAvapi bhUyo lIlAtanumantau ||16|| nAsmattanuvatte shaktIshvaramUrtI || ekA.amR^itarUpA tvanyA praNavAtmA ||17|| divyam ghanatejaH kurvat dhvanimantaH || sampashyadasheShaM mUrtiH praNavAtmA ||18|| divyo ghanasomaH syandan rasamantaH || bhu~njan bhuvanaughaM pIyUShasharIram ||19|| bodho.anavalambo divyaM khalu tejaH || modaH parishuddho divyaH khalu somaH ||20|| somAMsha\-mahoMshau yAto ghanabhAvam || pitrorbhuvanAnAM sa~NkalpamahimnA ||21|| ArAdhayasIshaM taM cinmayakAyam || AnandamayA~NgI tvaM devi kileyam ||22|| divyaM tava kAyaM divye tava vastre || divyAni tavAmba svarNAbharaNAni ||23|| yaddevi vilokyA\- .asyaprAkR^itakAyA || yuktiH samatItA seyaM tava mAyA ||24|| navyAstanumadhyAH pratnAM tanumadhyAm || cidvatsadsImA samyakprathayantu ||25|| tR^itIya stabakaH samAptaH || Quote Link to comment Share on other sites More sharing options...
Recommended Posts
Join the conversation
You are posting as a guest. If you have an account, sign in now to post with your account.
Note: Your post will require moderator approval before it will be visible.