mahAShoDashIvarNaratnAvalistotram

[Guest guest]

... mahAShoDashIvarNaratnAvalistotram ..

 

hrI.nkArAN^kaNadIpikA.n shritajanAnandapradA.n shrImatI.n

shrInAthAdyamarArchitaN^ghrikamalA.n shrIsundarI.n bhAvaye .

shrImanma~njularatnasAnuvilasanmadhyasthakUTAgraga\-

shrImannAgaramadhyalAsisumahachchhrIchakrabindau sthitAm .. 1 ..

 

hrI.nkArAmR^itasindhukaustubhamaNi.n hrI.nkAramadhyasthitA.n

hrI.nkAronnataratnasaudhavalabhIsa.nlAsipArAvatIm .

hRI.nkAramarapAdapAgraviharatsa.nhR^iShTakekI.n bhaje

hrI.nkArAmbudacha~nchalA.n hR^idi gatA.n hrI.nkAravarNAtmikAm .. 2 ..

 

klI.nkArAmbujapatrabhAskaranibhA.n klI.nkArachandraprabhA.n

klI.nkArAgnishikhA.n bhajAmi satata.n klI.nkArapeTImaNim .

klI.nkAropavanAnyapuShTagR^ihiNI.n klI.nkAravedyAtmikA.n

klI.nkArAbjaharapriyA.n paratarA.n klI.nkAravarNAtmikAm .. 3 ..

 

ai.n aimityanuchintakAchchhahR^idayAmbhojATavIha.nsikA.n

IshitvAdivibhUtisa.nvR^itamahAratnAsane sa.nsthitA .

aishvaryAya bhavatvakhaNDavibhavA yAmbA sadA me gR^ihe

cheshAdyarchitapAdapaN^kajayugA chaishAN^kama~nchasthitA .. 4 ..

 

saundaryadrumama~njarI bhagavatI sauvarNavarNAvatA\-

nmA.n sa.nsAramahAbhayAd drutatara.n sauvarnakumbhastanI .

sUryAbjArikR^ishAnudR^ik shashikalotta.nsA sadAnandadA

saubhAgya.n dishatAdatha prathitamapyavyAhata.n bhUri me .. 5 ..

 

oMkArArthanirUpaNaikamanasA cho.nkAranAdAtmanA

shrIdevyA mama chittabhittiradhunA chitrAyate chojjvalA .

ojobhirjagadetadadya vipula.n yasyAstayAbjaprabhai\-

rotaprotamabhUt kusumbhakuruvindAbjaprabhAyAH sadA .. 6 ..

 

hrI.nkArAgamamastaka.n hR^idi kadA bhAyAd vapuste para.n

hrI.nkArAbdhisudhAmaya.n hR^itajapAshoNa.n hitaprApakam .

hrI.nkArAdriguhAharIndrashishuka.n hrI.nkArakandAN^kura.n

hrI.nkArAmbujasaurabha.n hR^itajagajjAla.n jagannAyike .. 7 ..

 

hrI.nkArAdhvaradakShiNe janani te pAdAbjayugme sadA

bhakti.n me janayAshu devi kR^ipayA shrIdevi tArAyite .

shrImanma~njularatnanirmitamahAma~njIrabhUShojjvale

shrIshR^iN^gArarasAlaye shritajagatsvAntAbjinIha.nsike .. 8 ..

 

kalyANa vitanotu kAmamanisha.n kAmArivAmAN^kagA

kastUrIghanasArarUShitakuchAgrAlambimuktAlatA .

kAmAkarShaNadivyapAshasubhagA kAntyArkakoTiprabhA

kalyANI kamalekShaNA kalimalapradhva.nsinI kAmadA .. 9 ..

 

etAvanmama devi te padayuge bhaktirdR^iDhA bhUyasI

syAnnetre cha japAprasUnaruchirAyAstvattanorvIkShaNe .

AnandAshrupariplute vachanamapyamba stave gadgada.n

chetastvanmayamamba pashyatu jagat tvanmUrtibhAsAruNam .. 10 ..

 

IshAnAdipadA~nchite shivamaye ma~nche pareshAN^kagA\-

mIshitvAdyakhilAShTabhUtimanisha.n dAtrI.n svabhaktAya me .

chApa.n chaikShavamAshuga.n sumamaya.n krodhAtmaka.n chAN^kusha.n

pAsha.n rAgatanu.n praNaumi dadhatI.n shrImanmahAsundarIm .. 11 ..

 

lakShmI.n chakranivAsinI.n lalitasa.ngItapriyA.n lAkinI.n

labdhaishcharyasamunnati.n layakarI.n lAsyapriyAmAshraye .

laN^kAnAyakavairipUjitapadA.n lAvaNyavArA.nnidhi.n

lakShmIpUjitapAdapadmayugalA.n mokShAkhyalakShmyai sadA .. 12 ..

 

hrI.nkArArNasudhA.n cha hR^idyamamarairIDya.n mahat te vapuH

prAleyA.nshukalAvilAsimakuTa.n hrI.nkAranAdAtmakam .

ye dhyAyanti hR^idambuje pratidina.n teShAmanaN^gajvara\-

klAntAH syurvashamAgatAstvanukala.n vadhvaH surANA.n priyAH .. 13 ..

 

hantAsthA.n mitavaibhaveShu harimukhyeShveva mUDhA janA

bhakti.n pAmaradaivateShu vivashAH kurvanti mohAdiha .

tyaktvA tvA.n paradevatA.n hariharabrahmAdibhiH sevitA.n

sarvaishvaryamahodayA.n kharamime sa.ntyajya dhenu.n shritAH .. 14 ..

 

sarvaj~natvamavApya sa.nsadi satA.n shAstreShu pANDityama\-

pyambAyAH padapadmasa.nsmR^itivashAnmUko.api vAgmI bhavet .

yasyAstachcharaNAmbuja.n hariharabrahmAdibhirvandita.n

mUDhAshchintayatAshu vo.api tarasA dadyAt kavitva.n shriyaH .. 15 ..

 

kalyANyamba kadambakAnanagR^ihe kalpadrumaiH kAN^kShitA\-

darthAdarthasamarpaNe.adhikatare kAruNyakallolibhiH .

karNAntAyatalochanA~nchalagatairvIkShyAdya mAmAtura.n

rakShAsu tripure parAtparatare shrIkAmasa.njIvini .. 16 ..

 

hastyuttuN^gapR^ithUrukumbhakuchayorvinyastahAreNa tA\-

mAraktA.nshukamAlyabhUShaNavarairuddIpyamAnAmumAm .

hAhAhUhumukhastutAmanudina.n haiyagavInAntarA\-

mambAmAdimavAkstutAmahamala.n dhyAyAmyabhIShTAptaye .. 17 ..

 

labdhaj~nAnasudhAkareNa manasA lakShyIkR^ita.n te vapuH

sadbhiH sa.ntatamambujAkShi lalite lagna.n bhavatvAntare .

lAvaNyojjvaladivyagAtri vimale lAkShArasAla.nkR^ita.n

shrImatpAdapayojayugmamadhunA manmUrdhni nikShipyatAm .. 18 ..

 

hrI.nkArAbdhisudhe hriyA virahite hrI.nkAramantrArthade

hrI.nkArapriyashArike mayi kR^ipA.n hrI.nkAranAdodaye .

hrI.nkAramaladarpaNapratikR^ite hrI.nkAravedye shive

dIne mayyadhunA kuruShva dayayA hrI.nkAradIpaprabhe .. 19 ..

 

sa.npatkarmaNi dIkShitAni sakalApadbha~njanAnyamba te

mAmevAkalayantu paN^kajadalAkShema.nkarANyAdarAt .

brahmAdIn padapadmalagnamakuTAn hitvA katha.nchichchhive

netrANyadya kR^ipAsudhArasajharIsiktAni he sundari .. 20 ..

 

kalpAnte hR^itsarvalokajaTharasyAnandanATya.n mudA

karturyanmaNikuNDalIyugalikA dIpAyate sa.ntatam .

brahmopendramukhAmare viramati brahmANDabhANDe para.n

sA pAshAN^kushapuShpasAyakadhanurvidyotatAnme hR^idi .. 21 ..

 

lakShya.n ki.ncha bhavenmahAtripurasundaryAgamAntairnute

mA.n lakShyIkuru vIkShaNAshugatatestvAmeva sarvAtmanA .

dhyAtvA chetasi sa.nsthita.n jagadida.n tvadrUpamArye sadA

j~nAtvAnanyahR^idA vihAya bhajana.n nashyatsu deveShviha .. 22 ..

 

hrI.nkArasmaraNena devi tarasA hrImAn sudhImAn bhavet

te mUko.api jaDo.api padmajanuShA sApatniko.abhUd bhR^isham .

AshliShyAmbudhikanyakA.n vilasati shrImantrarAjAkShara.n

tanmayyAdisha devadevi kR^ipayA dhanyo.asmyaha.n tena cha .. 23 ..

 

sauvarNojjvalamaNDape maratakaprAkArabhittau bR^iha\-

nnAnAratnamayAsane shivamaye shrIkAmarAjAN^kake .

tiShThantI.n kuruvindabR^indaruchirA.n mANikyabhUShojjvalA.n

dhanyAste bhuvi chintayanti manasA ye shrImahAsundarIm .. 24 ..

 

ai.nkArAmbujakarNikojjvalamahadratnAsane sa.nsthitA.n

si~nchantImamR^itadravaiH shashishilAspaShTAbhirAmaprabhAm .

tejobhirjagadamba ye bhuvi bhajantyApInatuN^gastanI.n

teShAmAnanapaN^kaje nivasate vANI sudhAsyandinI .. 25 ..

 

klImityakSharamekameva manasA dhyAyanti ye mAnavAH

ka.ndarpAyutatulyasundaratarashrImUrtayaH shaithilam .

kurvanti sma rateshcha naijavapuShA te pAtivratya.n saha

spardhante hR^itavAgramAH kamalanAbhAbjAsanAbhyA.n sadA .. 26 ..

 

hrI.nkArI.n hR^idayAmbuje.ahamadhunA hrI.nkArasaudhe shubhe

hrI.nkAronnataratnama~nchaphalake hrI.nkArashoNAmbuje .

hrI.nkArAkSharamuchcharadbhagavatImAropya shoNaprabhA.n

hrI.nkArAmbujavArigandhaphalatAmbUlAdibhistoShaye .. 27 ..

 

hrI.nkArAmR^itapAdama~njulamaNIvedyantare bhAsurA.n

shrIdevI.n shritasarvalokasakalAbhIShTapradAnotsukAm .

shrIshrImattanumudyadarkakiraNA.n shrIshA.nbhavI.n shrIkarI\-

mAtmanyaikyamupAsmahe paratarA.n nirvANasa.nsiddhaye .. 28 ..

 

iti shrImahAShoDashIvarNaratnAvalistotra.n sa.npUrNam