mahAmAyAShTakam

[Guest guest]

... mahAmAyAShTakam ..

... (paiN^ganADu) gaNapatishAstrikR^itam ..

 

satsvanyeShvapi daivateShu bahuShu prAyo janA bhUtale

yAmekA.n jananIti santatamamI jalpanti tAdR^igvidhA .

bhaktastomabhayapraNAshanachaNA bhavyAya dIvyatvasau

devI sphoTavipATanaikachaturA mAtA mahAmAyikA .. 1 ..

 

mAtetyAhvaya eva jalpati mahad vAtsalyamasmAsu te

kAruNye tava shItaleti yadida.n nAmaiva sAkShIyate .

ittha.n vatsalatAdayAnidhiriti khyAtA tvamasmAnimAn

mAtaH kAtaratA.n nirvAya nitarAmAnanditAnAtanu .. 2 ..

 

pratyakShetaravaibhavaiH kimitarairdevavrajaistAdR^ishaiH

nindAyAmapi cha stutAvapi phala.n ki.nchinna ye tanvate .

yA nindAstavayoH phala.n bhagavatI datse.anurUpa.n kShaNAn

nUna.n tAdR^ishavaibhavA vijayase devi tvamekA bhuvi .. 3 ..

 

vR^ittAnta.n vividhaprakAramayi te jalpanti loke janAH

tattva.n nopalabhe tathaiva na vidhi.n jAne tvadArAdhane .

tasmAdamba katha.n punaH kalayitu.n shaktAsmi te pUjana.n

nUna.n vachmi dayAnidhe.avatu jaDAnasmAn bhavatyAdarAt .. 4 ..

 

roda.nrodamudIrNabAShpalaharIklinnAnane te shishA\-

vasmin tapyati ki.nchidatra karuNAdR^iShTi.n vidhatse na chet .

pAtu.n sphoTagadAt paTutvamiva te kasyAsti mAtarvada

kkAya.n gachchhatu kasya pashyatu mukha.n kA vA gatirlabhyatAm .. 5 ..

 

dharmyAnuchcharatA.n pathaH kalayatA.n doShA.nstathA chAtmanaH

svaira.n nindanamAtanotu satata.n dveShye.apathe tiShThatu .

etAvatyapi vatsake kila shucha.n yAte manAk tatkShaNa.n

tattrANe jananI prayAsyati hi tanmAtastvamasmAnava .. 6 ..

 

AbAlasthavira.n prasiddhamayi te mAteti yannAma tad

goptu.n naiva hi shakyamamba tadasau tAdR^igvidhA tva.n yadi .

asmin khidyati vatsake na tanuShe mAturguNa.n chettadA

nUna.n syAdapavAdapAtramayi tanmAtastvamasmAnava .. 7 ..

 

muktAhAramanoharadyutiyutA.n mUrti.n narAstAvakI.n

ye dhyAyanti mR^iNAlatantusadR^ishI.n nAbhIhR^idorantare .

te ghorajvarabhArajAtaviShamasphoTasphuTadduHsaha\-

kledodyatkaTupUtigandhamayi no jAnantyamI jAtvapi .. 8 ..

 

kAruNyAmbudhishItalApadapayojAtadvayIbhAvanA\-

jAtasphItahR^idambujAmitasudhAniryAsarUpAmimAm .

ye martyA stutimAdarAd gaNapatervaktrAmbujAnniHsR^itA.n

vishvAsena paThanti te na dadhate sphoTavyathA.n jAtuchit .. 9 ..

 

iti shrImahAmAyAShTaka.n sa.npUrNam