Guest guest Posted October 24, 2002 Report Share Posted October 24, 2002 ... shrIkAraNaparachidrUpAyai namaH .. vaktrashrIsarasIjale taralitabhrUvallikallolite kAlimnA dadhatI kaTAkShajanuShA mAdhuvratI.n vyApR^itim . nirnidrAmalapuNDarIkakuhanApANDityamAbibhratI kAmAkShyAH smitachAturI mama manaH kAtaryamunmUlayet .. 11 .. nitya.n bAdhitabandhujIvamadhara.n maitrIjuSha.n pallavaiH shuddhasya dvijamaNDalasya cha tiraskartAramapyAshritA . yA vaimalyavatI sadaiva namatA.n chetaH punItetarA.n kAmAkShyA hR^idaya.n prasAdayatu me sA mandahAsaprabhA .. 12 .. druhyantI tamase muhuH kumudinIsAhAyyamAbibhratI yAntI chandrakishorashekharavapuHsaudhAN^gaNe preN^khaNam . j~nAnAmbhonidhivIchikA.n sumanasA.n kUla.nkaShA.n kurvatI kAmAkShyAH smitakaumudI haratu me sa.nsAratApodayam .. 13 .. kAshmIradravadhAtukardamaruchA kalmAShatA.n bibhratI ha.nsaudhairiva kurvatI parichiti.n hArIkR^itairmauktikaiH . vakShojanmatuShArashailakaTake sa.nchAramAtanvatI kAmAkShyA mR^idulasmitadyutimayI bhAgIrathI bhAsate .. 14 .. kamborva.nshaparamparA iva kR^ipAsa.ntAnavallIbhuvaH sa.nphullastabakA iva prasR^imarA mUrtAH prasAdA iva . vAkpIyUShakaNA iva tripathagAparyAyabhedA iva bhrAjante tava mandahAsakiraNAH kA~nchIpurInAyike .. 15 .. Quote Link to comment Share on other sites More sharing options...
Recommended Posts
Join the conversation
You are posting as a guest. If you have an account, sign in now to post with your account.
Note: Your post will require moderator approval before it will be visible.