Guest guest Posted December 16, 2002 Report Share Posted December 16, 2002 ... shrIkAraNaparachidrUpAyai namaH .. vakShoje ghanasArapatrarachanAbhaN^gIsapatnAyitA kaNThe mauktikahArayaShTikiraNavyApAramudrAyitA . oShThashrInikurumbapallavapuTe preN^khatprasUnAyitA kAmAkShi sphuratA.n madIyahR^idaye tvanmandahAsaprabhA .. 16 .. yeShA.n bindurivopari prachalito nAsAgramuktAmaNiH yeShA.n dIna ivAdhikaNThamayate hAraH karAlambanam . yeShA.n bandhurivoShThayoraruNimA dhatte svaya.n ra~njana.n kAmAkShyAH prabhavantu te mama shivollAsAya hAsAN^kurAH .. 17 .. yA jADyAmbunidhi.n kShiNoti bhajatA.n vairAyate kairavaiH nitya.n yA.n niyamena yA cha yatate kartu.n triNetrotsavam . bimba.n chAndramasa.n cha va~nchayati yA garveNa sA tAdR^ishI kAmAkShi smitama~njarI tava katha.n jyotsnetyasau kIrtyate .. 18 .. AruDhA rabhasAtpuraH purariporAshleShaNopakrame yA te mAtarupaiti divyataTinIshaN^kAkarI tatkShaNam . oShThau vepayati bhruvau kuTilayatyAnamrayatyAnana.n tA.n vande mR^iduhAsapUrasuShamAmekAmranAthapriye .. 19 .. vaktrendostava chandrikA smitatatirvalgu sphurantI satA.n syAchchedyuktimida.n chakoramanasA.n kAmAkShi kautUhalam . etachchitramaharnisha.n yadadhikAmeShA ruchi.n gAhate bimboShThadyumaNiprabhAsvapi cha yadbibbokamAlambate .. 20 .. sAdR^ishya.n kalashAmbudhervahati yatkAmAkShi mandasmita.n shobhAmoShTharuchAmba vidrumabhavAmetAdbhidA.n brUmahe . ekasmAdudita.n purA kila papau sharvaH purANaH pumAn etanmadhyasamudbhava.n rasayate mAdhuryarUpa.n rasam .. 21 .. uttuN^gastanakumbhashailakaTake vistArikastUrikA\- patrashrIjuShi cha~nchalAH smitaruchaH kAmAkShi te komalAH . sa.ndhyAdIdhitira~njitA iva muhuH sAndrAdharajyotiShA vyAlolAmalashAradAbhrashakalavyApAramAtanvate .. 22 .. kShIra.n dUrata eva tiShThatu katha.n vaimalyamAtrAdida.n mAtaste sahapAThavIthimayatA.n mandasmitairma~njulaiH . ki.n cheya.n tu bhidAsti dohanavashAdeka.n tu sa.njAyate kAmAkShi svayamarthita.n praNamatAmanyattu doduhyate .. 23 .. karpUrairamR^itairjagajjanani te kAmAkShi chandrAtapaiH muktAhAraguNairmR^iNAlavalayairmugdhasmitashrIriyam . shrIkA~nchIpuranAyike samatayA sa.nstUyate sajjanaiH tattAdR^iN^mama tApashAntividhaye ki.n devi mandAyate .. 24 .. madhyegarbhitama~njuvAkyalaharImAdhvIjharIshItalA mandArastabakAyate janani te mandasmitA.nshuchchhaTA . yasyA vardhayitu.n muhurvikasana.n kAmAkShi kAmadruho valgurvIkShaNavibhramavyatikaro vAsantamAsAyate .. 25 .. Quote Link to comment Share on other sites More sharing options...
Recommended Posts
Join the conversation
You are posting as a guest. If you have an account, sign in now to post with your account.
Note: Your post will require moderator approval before it will be visible.