shrImUkapa~nchashatI (5.56-5.75)

[Guest guest]

... shrIkAraNaparachidrUpAyai namaH ..

 

sannAmaikajuShA janena sulabha.n sa.nsUchayantI shanai\-

ruttuN^gasya chirAdanugrahatarorutpatsyamAna.n phalam .

prAthamyena vikasvarA kusumavatprAgalbhyamabhyeyuShI

kAmAkShi smitachAturI tava mama kShema.nkarI kalpatAm .. 56 ..

 

dhAnuShkAgrasarasya lolakuTilabhrUlekhayA bibhrato

lIlAlokashilImukha.n navavayassAmrAjyalakShmIpuShaH .

jetu.n manmathamardina.n janani te kAmAkShi hAsaH svaya.n

valgurvibhramabhUbhR^ito vitanute senApatiprakriyAm .. 57 ..

 

yannAkampata kAlakUTakabalIkAre chuchumbe na yad\-

glAnyA chakShuShi rUShitAnalashikhe rudrasya tattAdR^isham .

cheto yatprasabha.n smarajvarashikhijvAlena lelihyate

tatkAmAkShi tava smitA.nshukalikAhelAbhava.n prAbhavam .. 58 ..

 

sa.nbhinneva suparvalokataTinI vIchIchayairyAmunaiH

sa.nmishreva shashAN^kadIptilaharI nIlairmahAnIradaiH .

kAmAkShi sphuritA tava smitaruchiH kAlA~njanaspardhinA

kAlimnA kacharochiShA.n vyatikare kA.nchiddashAmashnute .. 59 ..

 

jAnImo jagadIshvarapraNayini tvanmandahAsaprabhA.n

shrIkAmAkShi sarojinImabhinavAmeShA yataH sarvadA .

Asyendoravalokena pashupaterabhyeti sa.nphullatA.n

tandrAlustadabhAva eva tanute tadvaiparItyakramam .. 60 ..

 

yAntI lohitimAnamabhrataTinI dhAtuchchhaTAkardamaiH

bhAntI bAlagabhastimAlikiraNairmeghAvalI shAradI .

bimboShThadyutipu~njachumbanakalAshoNAyamAnena te

kAmAkShi smitarochiShA samadashAmAroDhumAkAN^kShate .. 61 ..

 

shrIkAmAkShi mukhendubhUShaNamida.n mandasmita.n tAvaka.n

netrAnandakara.n tathA himakaro gachchhedyathA tigmatAm .

shIta.n devi tathA yathA himajala.n sa.ntApamudrAspada.n

shveta.n ki.ncha tathA yathA malinatA.n dhatte cha muktAmaNiH .. 62 ..

 

tvanmandasmitama~njarI.n prasR^imarA.n kAmAkShi chandrAtapa.n

santaH santatamAmanantyamalatA tallakShaNa.n lakShyate .

asmAka.n na dhunoti tApakamadhika.n dhUnoti nAbhyantara.n

dhvAnta.n tatkhalu duHkhino vayamida.n kenoti no vidmahe .. 63 ..

 

namrasya praNayaprarUDhakalahachchhedAya pAdAbjayoH

manda.n chandrakishorashekharamaNeH kAmAkShi rAgeNa te .

bandhUkaprasavashriya.n jitavato ba.nhIyasI.n tAdR^ishI.n

bimboShThasya ruchi.n nirasya hasitajyotsnA vayasyAyate .. 64 ..

 

muktAnA.n parimochana.n vidadhatastatprItiniShpAdinI

bhUyo dUrata eva dhUtamarutastatpAlana.n tanvatI .

udbhUtasya jalAntarAdavirata.n taddUratA.n jagmuShI

kAmAkShi smitama~njarI tava katha.n kambostulAmashnute .. 65 ..

 

shrIkAmAkShi tava smitadyutijharIvaidagdhyalIlAyita.n

pashyanto.api nirantara.n suvimala.nmanyA jaganmaNDale .

loka.n hAsayitu.n kimarthamanisha.n prAkAshyamAtanvate

mandAkSha.n virahayya maN^galatara.n mandArachandrAdayaH .. 66 ..

 

kShIrAbdherapi shailarAjatanaye tvanmandahAsasya cha

shrIkAmAkShi valakShimodayanidheH ki.nchidbhidA.n brUmahe .

ekasmai puruShAya devi sa dadau lakShmI.n kadAchitpurA

sarvebhyo.api dadAtyasau tu satata.n lakShmI.n cha vAgIshvarIm .. 67 ..

 

shrIkA~nchIpuraratnadIpakalike tAnyeva menAtmaje

chAkorANi kulAni devi sutarA.n dhanyAni manyAmahe .

kampAtIrakuTumbacha.nkramakalAchu~nchUni cha~nchUpuTaiH

nitya.n yAni tava smitendumahasAmAsvAdamAtanvate .. 68 ..

 

shaityaprakramamAshrito.api namatA.n jADyaprathA.n dhUnayan

nairmalya.n parama.n gato.api girisha.n rAgAkula.n chArayan .

lIlAlApapurassaro.api satata.n vAcha.nyamAnprINayan

kAmAkShi smitarochiShA.n tava samullAsaH katha.n varNyate .. 69 ..

 

shroNIcha~nchalamekhalAmukharita.n lIlAgata.n manthara.n

bhrUvallIchalana.n kaTAkShavalana.n mandAkShavIkShAchaNam .

yadvaidagdhyamukhena manmatharipu.n sa.nmohayantya~njasA

shrIkAmAkShi tava smitAya satata.n tasmai namsakurmahe .. 70 ..

 

shrIkAmAkShi manoj~namandahasitajyotiShprarohe tava

sphItashvetimasArvabhaumasaraNiprAgalbhyamabhyeyuShi .

chandro.aya.n yuvarAjatA.n kalayate cheTIdhura.n chandrikA

shuddhA sA cha sudhAjharI sahacharIsAdharmyamAlambate .. 71 ..

 

jyotsnA ki.n tanute phala.n tanumatAmauShNyaprashAnti.n vinA

tvanmandasmitarochiShA tanumatA.n kAmAkShi rochiShNunA .

sa.ntApo vinivAryate navavayaHprAchuryamaN^kUryate

saundarya.n paripUryate jagati sA kIrtishcha sa.nchAryate .. 72 ..

 

vaimalya.n kumudashriyA.n himaruchaH kAntyaiva sa.ndhukShyate

jyotsnArochirapi pradoShasamaya.n prApyaiva sa.npadyate .

svachchhatva.n navamauktikasya parama.n sa.nskArato dR^ishyate

kAmAkShyAH smitadIdhitervishadimA naisargiko bhAsate .. 73 ..

 

prAkAshya.n parameshvarapraNayini tvanmandahAsashriyaH

shrIkAmAkShi mama kShiNotu mamatAvaichakShaNImakShayAm .

yadbhItyeva nilIyate himakaro meghodare shuktikA\-

garbhe mauktikamaNDalI cha sarasImadhye mR^iNAlI cha sA .. 74 ..

 

herambe cha guhe harShabharita.n vAtsalyamaN^kUrayat

mAradrohiNi pUruShe sahabhuva.n premAN^kura.n vya~njayat .

AnamreShu janeShu pUrNakaruNAvaidagdhyamuttAlayat

kAmAkShi smitama~njasA tava katha.nkAra.n mayA kathyate .. 75 ..