shrImUkapa~nchashatI (5.76-5.101) (concluded)

[Guest guest]

Namaste,

 

With this post, the transliteration has been completed.

I would like to thank Shri Ravi and Shri Gopal for having

given me the opportunity to undertake this and also helped

me immensely throughout the process, and everyone else for

being so patient with the slow pace of my transliteration.

 

Regards,

Sridhar.

 

_________

 

... shrIkAraNaparachidrUpAyai namaH ..

 

sa.nkruddhadvijarAjako.apyavirata.n kurvandvijaiH sa.ngama.n

vANIpaddhatidUrago.api satata.n tatsAhacharya.n vahan .

ashrAnta.n pashudurlabho.api kalayanpatyau pashUnA.n rati.n

shrIkAmAkShi tava smitAmR^itarasasyando mayi spandatAm .. 76 ..

 

shrIkAmAkShi maheshvare nirupamapremAN^kuraprakramam.n

nitya.n yaH prakaTIkaroti sahajAmunnidrayanmAdhurIm .

tattAdR^iktava mandahAsamahimA mAtaH katha.n mAnitA.n

tanmUrdhnA suranimnagA.n cha kalikAmindoshcha tA.n nindati .. 77 ..

 

ye mAdhuryavihAramaNTapabhuvo ye shaityamudrAkarA

ye vaishadyadashAvisheShasubhagAste mandahAsAN^kurAH .

kAmAkShyAH sahaja.n guNatrayamida.n paryAyataH kurvatA.n

vANIgumphanaDambare cha hR^idaye kIrtiprarohe cha me .. 78 ..

 

kAmAkShyA mR^idulasmitA.nshunikarA dakShAntake vIkShaNe

mandAkShagrahilA himadyutimayUkhAkShepadIkShAN^kurAH .

dAkShya.n pakShmalayantu mAkShikaguDadrAkShAbhava.n vAkShu me

sUkShma.n mokShapatha.n nirIkShitumapi prakShAlayeyurmanaH .. 79 ..

 

jAtyA shItashItalAni madhurANyetAni pUtAni te

gAN^gAnIva payA.nsi devi paTalAnyalpasmitajyotiShAm .

enaHpaN^kaparamparAmalinitAmekAmranAthapriye

praj~nAnAtsutarA.n madIyadhiShaNA.n prakShAlayantu kShaNAt .. 80 ..

 

ashrAnta.n paratantritaH pashupatistvanmandahAsAN^kuraiH

shrIkAmAkShi tadIyavarNasamatAsaN^gena shaN^kAmahe .

indu.n nAkadhunI.n cha shekharayate mAlA.n cha dhatte navaiH

vaikuNThairavakuNThana.n cha kurute dhUlIchayairbhAsmanaiH .. 81 ..

 

shrIkA~nchIpuradevate mR^iduvachassaurabhyamudrAspada.n

prauDhapremalatAnavInakusuma.n mandasmita.n tAvakam .

manda.n kandalati priyasya vadanAloke samAbhAShaNe

shlakShNe kuN^malati prarUDhapulake chAshloShaNe phullati .. 82 ..

 

ki.n traisrotasamambike pariNata.n srotashchaturtha.n nava.n

pIyUShasya samastatApaharaNa.n ki.nvA dvitIya.n vapuH .

ki.nsvittvannikaTa.n gata.n madhurimAbhyAsAya gavya.n payaH

shrIkA~nchIpuranAyakapriyatame mandasmita.n tAvakam .. 83 ..

 

bhUShA vaktrasaroruhasya sahajA vAchA.n sakhI shAshvatI

nIvI vibhramasantateH pashupateH saudhI dR^ishA.n pAraNA .

jIvAturmadanashriyaH shashirucheruchchATanI devatA

shrIkAmAkShi girAmabhUmimayate hAsaprabhAma~njarI .. 84 ..

 

sUtiH shvetimakandalasya vasatiH shR^iN^gArasArashriyaH

pUrtiH sUktijharIrasasya laharI kAruNyapAthonidheH .

vATI kAchana kausumI madhurimasvArAjyalakShmyAstava

shrIkAmAkShi mamAstu maN^galakarI hAsaprabhAchAturI .. 85 ..

 

jantUnA.n janiduHkhamR^ityulaharIsa.ntApana.n kR^intataH

prauDhAnugrahapUrNashItalarucho nityodaya.n bibhrataH .

shrIkAmAkShi visR^itvarA iva karA hAsAN^kurAste haThA\-

dAlokena nihanyurandhatamasastomasya me sa.ntatim .. 86 ..

 

uttuN^gastanamaNDalasya vilasallAvaNyalIlAnaTI\-

raN^gasya sphuTamUrdhvasImani muhuH prAkAshyamabhyeyuShI .

shrIkAmAkShi tava smitadyutitatirbimboShThakAntyaN^kuraiH

chitrA.n vidrumamudritA.n vitanute mauktI.n vitAnashriyam .. 87 ..

 

svAbhAvyAttava vaktrameva lalita.n sa.ntoShasa.npAdana.n

sha.nbhoH ki.n punara~nchitasmitaruchaH pANDityapAtrIkR^itam .

ambhoja.n svata eva sarvajagatA.n chakShuHpriya.nbhAvuka.n

kAmAkShi sphurite sharadvikasite kIdR^igvidha.n bhrAjate .. 88 ..

 

pu.nbhirnirmalamAnasaurvidadhate maitrI.n dR^iDha.n nirmalA.n

labdhvA karmalaya.n cha nirmalatarA.n kIrti.n labhantetarAm .

sUkti.n pakShmalayanti nirmalatamA.n yattAvakAH sevakAH

tatkAmAkShi tava smitasya kalayA nairmalyasImAnidheH .. 89 ..

 

AkarShannayanAni nAkisadasA.n shaityena sa.nstambhaya\-

nnindu.n ki.ncha vimohayanpashupati.n vishvArtimuchchATayan .

hi.nsatsa.nsR^itiDambara.n tava shive hAsAhvayo mAntrikaH

shrIkAmAkShi madIyamAnasatamovidveShaNe cheShTatAm .. 90 ..

 

kShepIyaH kShapayantu kalmaShabhayAnyasmAkamalpasmita\-

jyotirmaNDalacha.nkramAstava shive kAmAkShi rochiShNavaH .

pIDAkarmaThakarmagharmasamayavyApAratApAnala\-

shrIpAtA navaharShavarShaNasudhAsrotasvinIshIkarAH .. 91 ..

 

shrIkAmAkShi tava smitaindavamahaHpUre parimphUrjati

prauDhA.n vAridhichAturI.n kalayate bhaktAtmanA.n prAtibham .

daurgatyaprasarAstamaHpaTalikAsAdharmyamAbibhrate

sarva.n kairavasAhacharyapadavIrIti.n vidhatte param .. 92 ..

 

mandArAdiShu manmathArimahiShi prAkAshyarIti.n nijA.n

kAdAchitkatayA vishaN^kya bahusho vaishadyamudrAguNaH .

shrIkAmAkShi tadIyasaN^gamakalAmandIbhavatkautukaH

sAtatyena tava smite vitanute svairAsanAvAsanAm .. 93 ..

 

indhAne bhavavItihotranivahe karmaughachaNDAnila\-

prauDhimnA bahulIkR^ite nipatita.n santApachintAkulam .

mAtarmA.n pariShi~ncha ki.nchidamalaiH pIyUShavarShairiva

shrIkAmAkShi tava smitadyutikaNaiH shaishiryalIlAkaraiH .. 94 ..

 

bhAShAyA rasanAgrakhelanajuShaH shR^iN^gAramudrAsakhI\-

lIlAjAtarateH sukhena niyamasnAnAya menAtmaje .

shrIkAmAkShi sudhAmayIva shishirA srotasvinI tAvakI

gADhAnandataraN^gitA vijayate hAsaprabhAchAturI .. 95 ..

 

sa.ntApa.n viralIkarotu sakala.n kAmAkShi machchetanA

majjantI madhurasmitAmaradhunIkallolajAleShu te .

nairantaryamupetya manmathamarulloleShu yeShu sphuTa.n

premenduH pratibimbito vitanute kautUhala.n dhUrjaTeH .. 96 ..

 

chetaHkShIrapayodhimantharachaladrAgAkhyamanthAchala\-

kShobhavyApR^itisa.nbhavA.n janani te mandasmitashrIsudhAm .

svAda.nsvAdamudItakautukarasA netratrayI shA.nkarI

shrIkAmAkShi nirantara.n pariNamatyAnandavIchImayI .. 97 ..

 

Aloke tava pa~nchasAyakariporuddAmakautUhala\-

preN^khanmArutaghaTTanaprachalitAdAnandadugdhAmbudheH .

kAchidvIchiruda~nchati pratinavA sa.nvitprarohAtmikA

tA.n kAmAkShi kavIshvarAH smitamiti vyAkurvate sarvadA .. 98 ..

 

sUktiH shIlayate kimadritanaye mandasmitAtte muhuH

mAdhuryAgamasa.npradAyamathavA sUkternu mandasmitam .

ittha.n kAmapi gAhate mama manaH sa.ndehamArgabhrami.n

shrIkAmAkShi na pAramArthyasaraNisphUrtau nidhatte padam .. 99 ..

 

krIDAlolakR^ipAsaroruhamukhIsaudhAN^gaNebhyaH kavi\-

shreNIvAkparipATikAmR^itajharIsUtIgR^ihebhyaH shive .

nirvANAN^kurasArvabhaumapadavIsi.nhAsanebhyastava

shrIkAmAkShi manoj~namandahasitajyotiShkaNebhyo namaH .. 100 ..

 

AryAmeva vibhAvayanmanasi yaH pAdAravinda.n puraH

pashyannArabhate stuti.n sa niyata.n labdhvA kaTAkShachchhavim .

kAmAkShyA mR^idulasmitA.nshulaharIjyotsnAvayasyAnvitAm

ArohatyapavargasaudhavalabhImAnandavIchImayIm .. 101 ..

 

mandasmitashataka.n sa.npUrNam ..

shrI mUkapa~nchashatI sa.npUrNA ..

... AUM tat sat ..

 

shrIkAmAkShIparadevatAyAH pAdAravindayoH bhaktibhareNa samarpitam ..