durgAchandrakalAstutiH

[Guest guest]

>From Dr.N.Ramesan's biography of Shri Appaya Dikshita

"This is an exquisite poem of 16 verses, in the

vasantatilaka metre. The stotra is replete with

references to instances in vedas and puranas and .."

 

More details can be found in the above book.

=======================================================

 

shrImadapayyadIkShitavirachitA

 

durgAchandrakalAstutiH

 

vedhoharIshvarastutyA.n vihartrI.n vindhyabhUdhare .

haraprANeshvarI.n vande hantrI.n vibudhavidviShAm.h .. 1 ..

 

abhyarthanena sarasIruhasambhavasya

tyaktavoditA bhagavadakShipidhAnalIlAm.h .

vishveshvarI vipadapAgamane purastAt.h

mAtA mamAstu madhukaiTabhayornihantrI .. 2 ..

 

prAN^nirjareShu nihatairnijashaktileshaiH

ekobhavadbhiruditAkhilalokaguptyai .

sampannashastranikarA cha tadAyudhasyaiH

mAtA mamAstu mahiShAntakarI purastAt.h .. 3 ..

 

prAleyashailatanayA tanukAntisampat.h\-

koshoditA kuvalayachchhavichArudehA .

nArAyaNI namadabhIpsitakalpavallI

suprItimAvahatu shumbanishumbhahantrI .. 4 ..

 

vishveshvarIti mahiShAntakarIti yasyAH

nArAyaNItyapi cha nAmabhiraN^kitAni .

sUktAni paN^kajabhuvA cha surarShibhishcha

dR^iShTAni pAvakamukhaishcha shivA.n bhaje tAm.h .. 5 ..

 

utpattidaityahananastavanAtmakAni

sa.nrakShakANyakhilabhUtahitAya yasyAH .

sUktAnyasheShanigamAntavidaH paThanti

tA.n vishvamAtaramajasramabhiShTavImi .. 6 ..

 

ye vaiprachittapunasutthitashumbhamukhyaiH

durbhikShaghorasamayena cha kAritAsu .

AviShkR^itAstrijagadArtiShu rUpabhedAH

tairambikA samabhirakShatu mA.n vipadbhyaH .. 7 ..

 

sUkta.n yadIyamaravindabhavAdi dR^iShTa.n

Avartya devyanupada.n surathaH samAdhiH .

dvAvapyavApaturabhIShTamananyalabhya.n

tAmAdidevataruNI.n praNamAmi devIm.h .. 8 ..

 

mAhiShmatItanubhava.n cha rurU.n cha hantu.n

AviShkR^itairnijarasAdavatArabhedaiH .

aShTAdashAhatanavAhatakoTisa.nkhyaiH

ambA sadA samabhirakShatu mA.n vipadbhyaH .. 9 ..

 

etachcharitramakhila.n likhita.n hi yasyAH

sampUjita.n sadana eva niveshita.n vA .

durga.n cha tArayati dustaramapyasheSha.n

shreyaH prayachchhati cha sarvamumA.n bhajetAm.h .. 10 ..

 

yatpUjanastutinamaskR^iti.nbhirbhavanti

prItAH pitAmaha rameshaharAstrayo.api .

teShAmapi svakagurNa.nrdadatI vapU.nShi

tAmIshvarasya taruNI.n sharaNa.n prapadye .. 11 ..

 

kAntAramadhyadR^iDhalagnatayA.avasannA

magnAshchavAridhijale ripubhishcha ruddhAH .

yasyAH prapadya charaNau vipadastaranti

sA me sadA.astu hR^idi sarvajagatsavitrI .. 12 ..

 

bandhe vadhe mahati mR^ityubhaye prasakte

vittakShaye cha vividhe ya mahopatApe .

yatpAdapUjanamiha pratikAramAhuH

sA me samastajananI sharaNa.n bhavAnI .. 13 ..

 

bANAsuraprahitapannagabandhamokShaH

tadbAhudarpadalanAduShayA cha yogaH .

prAdyumninA drutamalabhyata yatprasAdAt.h

sA me shivA sakalamapyashubha.n kShiNotu .. 14 ..

 

pApaH pulastyatanayaH punarutthito mA.n

adyApi hartumayamAgata ityudItam.h .

yatsevanena bhayamindirayA.avadhUta.n

tAmAdidevataruNI.n sharaNa.n gato.asmi .. 15 ..

 

yaddhyAnaja.n sukhamavApyamanantapuNyaiH

sAkShAttamachyutaparigrahaNatvamApuH .

gopAN^ganAH kila yadarchanapuNyamAtrAt.h

sA me sadA bhagavatI bhavatu prasannA .. 16 ..

 

rAtri.n prapadya iti mantravidaH prapannAn.h

udbodhya mR^ityuvadhi manyaphalaiH pralobhya .

buddhvA cha tadvimukhatA.n pratana.n nayantI.n

AkAshamAdijananI.n jagatA.n bhaje tAm.h .. 17 ..

 

deshakAleShu duShTeShu durgAchandrakalAstutiH .

sandhyayoranusandheyA sarvApadvinivR^ittaye .. 18 ..