japyeshAShTaprAsashatakam.h (11-25)

[Guest guest]

rAgAha.nkR^itimukhyashatrushamano yo.agAdhinAthAtmajA\-

yogAtisphuradaN^gako munivarairyogAdibhiH sevyate .

yogAdyaishcha sadA sabhaktikamala.n nAgAjinAchchhAdano

nAgAdhIshavibhUShaNo bhavabhayatyAgAya sa syAnmama .. 11 ..

 

iN^gAlIkR^itasarvalokamadakR^ichchhR^iN^gArayoni.n budhA .

bhaN^gAyAghakulasya yanti munihR^idraN^gAttanATyAdaram.h .

piN^gAbaddhajaTAbhara.n mama manaH sa.ngAhate bhUmibhR^i\-

chchhR^iN^gAgAramagAtmajAshritavarotsaN^gAbhirAma.n shivam.h .. 12 ..

 

ya.n gAyanti budhA vimuktaviShayAsaN^gA jaTAntodbhava\-

dgaN^gAnIrajarAjilolavinadadbhR^iN^gAlijhaN^kAravam.h .

tuN^gAlepayutAdrijAkuchapariShvaN^gAbhirAmorasa.n

shR^iN^gAraikaniketana.n tamiha bhAvyaN^gApanuttyai bhaje .. 13 ..

 

yogIshaiH paratattvamityavirata.n yo gIyate prAtkanA

vAgIShTe.api na varNitu.n yamatula.n bhogIshabhUShojjvalam.h .

bho gIrvANakulairvibhAvitapadA vAgIshamukhyaistvayA

drAgIsha smaraNIya eSha bhavarugbhAgIdR^isho.aha.n vibho .. 14 ..

 

prAgyAmAparati.n manastu viShaye rAgyAshu tanme.adhunA

yogyAmaN^ghrisusa.ngati.n tava bhajed.h bhogyA cha muktiryathA .

yogyAvedyapadAdrijAvaratapobhAgyAdya kR^itvA tathA

drAg.h yAch~nA.n pUrayAkhilamahArogyArtividhva.nsana .. 15 ..

 

ugrArivrajahR^it.h sadAkR^itakavAgagrAdhigamya.n hR^idA\-

pyagrAhya.n vibudhairhR^itArtajanatArug.h rAjate yat.h padam.h .

ugrAtyadbhutavishvasarjanaguNodagrAshu mohAdayo

nigrAhyA mama chittamohanakR^itivyagrA hi tena tvayA .. 16 ..

 

shlAghA kA kuruShe dayA.n yadi vibho vaighAnasAnA.n parA\-

moghAyAtmavatA.n satA.n bhava sharanmeghAbha vishveshvara .

me.aghAni tvamapohya vAmacharaNavyAghAtadhUtAntakA\-

moghAmIsha nuti.n vidhehi kR^ipayA moghArtividhva.nsanAm.h .. 17 ..

 

AchArairvidhichoditairasulabha.n prAchAmalakShya.n cha ya.n

vAchAmeti vaTadrumUlanilaya.n nIchArivarga.n kShaNA\-

ddhe chAmIkarashailachApa bhavasa.nkochAya me tva.n bhava .. 18 ..

 

ichchhAkAryajagatkR^itisthitilaya svachchhAmbuvAhachchhaTA\-

sachchhAyAN^ga vibho kapardakuharaprachchhAditAbhrApaga .

pR^ichchhAmIshvara mA kuru tvamiha bho yachchhAdrijAtAprabho

yachchhAnto.anubhavatyala.n munigaNastachchhAshvata.n me sukham.h .. 19 ..

 

ichchhAkhAmR^iga niShphale bhavavane tuchchhATasi tva.n vR^ithA

prachchhAya.n parirabdhapInakuchasadguchchhADhyagaurIlatam.h .

sachchhArIrakalabhyamiShTaphalada.n sachchhAkhina.n sAdara.n

gachchhAdya.n girisha.n shivAkhyamatula.n machchhAsanAt.h satvaram.h

... 20 ..

 

yo jAyAN^garuchA vichitritalasattejA vibhAti dyusa\-

drAjAdyAnata sarvakAmyadapadAmbhojAdya sa tva.n vibho .

bho jAtAdaramIsha dehi kR^ipayAvyAjAmajasra.n jaga\-

dbIjAtIva tavAN^ghribhaktimatulA.n rAjArdhachUDeshvara .. 21 ..

 

sa.njAtapraNaya.n sadaiva taruNIpu~njAntare mUDha he

ki.n jAlmATasi durvinIta hR^idaya tva.n jAgarUka.n bhR^isham.h .

ya.n jAnanti sukhaikahetumamarAH ka.njAkShamukhyAH para.n

ta.n jAnIhi parAyaNa.n pashupati.n ka.njArdhachUdojjvalam.h .. 22 ..

 

praj~nAvadbhiratIva tattvamatula.n jij~nAsubhiryaH sadA

yaj~nAdyaiH parisevyate sukR^itibhirvij~nAnarUpaH shivaH .

aj~nAnAnvatamaHkadambatapanAvaj~nAtakAlAdarAt.h

sajj~nAna.n tvamumesha dehi nitarAmaj~nAya mahya.n vibho .. 23 ..

 

khATAdhIshamukhairniShevita suraishcheTAyamAnaistrayI\-

ghOTAdhyUDha mahIrathottama jaTAjUTAsthitAbhrApaga .

kITAdyAkhilajanturakShaka vibho kUTAyitorvIdhareT.h\-

kUTAdyeshvara deva pAlitanamatkUTAshu mA.n pAlaya .. 24 ..

 

cheTIbhUtachaturmukhAdidiviShatkoTIshiraHprollasa\-

tkoTIrojjvaladivyaratnakulabhAdhATIvirAjatpadam.h .

pATIrAdilasachhhivAkuchataTIkoTIvilIDhorasa.n

shATIbhUtamR^igAjinA.n munimanaHpeTIdhana.n bhAvaye .. 25 ..