japyeshAShTaprAsashatakam.h (26-35)

[Guest guest]

duShTA yastu puro dadAha jagato.aniShTApanuttyai para.n

tuShTA ya.n kR^itino bhajanti girijAshliShTAN^gaka.n yanmude .

iShTAdya.n vR^iShamAcharanti satata.n shiShTA bhR^isha.n yatra sA

dR^iShTA bhAti dayAlutA vitanutAmiShTArthasiddhi.n sa me .. 26 ..

 

sraShTAbhUt.h karuNA.n prapadya jagadutkR^iShTAdyataH padmabhUH

puShTA yena dayAbdhinA trijagatI hR^iShTA para.n rAjate .

naShTAj~nAnahR^idantarairmunivarairjuShTAN^ghripadmo bhava\-

kliShTAntaHkaraNasya me sa tanutAt.h kaShTApanoda.n shivaH .. 27 ..

 

shuNDAlAsyaShaDAsyanandaka namatShaNDAkhilainastama\-

shchaNDA.nsho maNikuNDaladyutilasadgaNDAnukampAmbudhe .

tuNDAbjATadumAkaTAkShamadhupAkhaN^DAtmarUpoDurAT.h\-

khaN^DAla.nkR^itamastakAbhayadadordaNDAva mAmAdarAt.h .. 28 ..

 

soDhAra.n nikhilAgasA.n shrutishirogUDhArthamAhurbudhA

voDhAra.n jagatA.n cha ya.n munimanolIDhAN^ghripadmadvayam.h .

UDhA yena nagAtmajA natarujAgADhAndhakArAruNo

mUDhAyAshu sa me prayachchhatu dhiya.n prauDhAmatIveshvaraH .. 29 ..

 

kShONAvAvirabhUddhana.njayaparitrANAya bhillAtmanA

bANAdyarchitapaddvayo vasati yaH prANAtmanA jantuShu .

sthANAveva mamAnvaha.n cha ramatAmeNAshritAtyullasa\-

tpANAvAnatakhedatUlakamahAprANAyitAN^ghrau manaH .. 30 ..

 

kShoNI yasya ratho.abhavat.h purajaye vANIpatiH sArathi\-

stUNIro jaladhirharasya sumanaHshreNIShTakarturvibhoH .

kShoNIdhro.api sharAsana.n suranadI veNI virAjajjaTa.n

bANIbhUtahari.n tamIDitumala.n vANI madIyA katham.h .. 31 ..

 

puNyAtmohyapada.n jaganmadakarITsR^iNyAyitechchha.n bhavA\-

raNyAgni.n laghu yatsmitArchiShi puraistR^iNyAyita.n ta.n bhavam.h .

puNyAlyuttamabhUShaNapravilasanmaNyADhyagAtra.n sudhA\-

ghR^iNyApIDamupAsmahe hR^idi sadAgaNyAtulaprAbhavam.h .. 32 ..

 

pAtA yo yamumApa yena ravibhUrAtADi yasmai tapo\-

jAtAni prabhave.arpayanti sukR^itivrAtA hi yasmAt.h prajAH .

jAtA yasya harasya sArathivaro dhAtA sa yasmin.h bhR^isha.n

khyAtA sarvadayAlutA sa bhagavAn.h dAtA sukhasyAstu naH .. 33 ..

 

shvetAbhravajagarvama~njanaruchirbhUtAdhipaH sa.nsR^ite\-

rbhItAnAmabhaya.nkaraH suragaNairgItApadAnAvaliH .

vAtAshAdhipabhUShaNojjvalatanurjAtAdara.n lokasa.n\-

trAtA vR^ittimimA.n vyapohatu parA.n me tAmasImIshvaraH .. 34 ..

 

pUtAntaHkaraNArchitasya makuTAnItAntarikShApagA\-

shItA.nshoH parirabdhabhUmidhararAN^jAtAN^gabhAsvattanoH .

AtAmrAbhivisArikAntinikarakrItAmbuja.n tasya mA.n

vItA.nhovrajamIshvarasya tanutAd.h dhUtAntaka.n paddvayam.h .. 35 ..