japyeshAShTaprAsashatakam.h (36-50)

[Guest guest]

yantAra.n jagatA.n budhAH pashupati.n sa.ntApavidhva.nsina.n

sa.ntAnAyitapAdamiShTabharaNe.anantAdisevitam.h .

hantAra.n cha purA.n nagAdhipabhuvo rantAramAhurvibhu.n

ta.n tAvat.h satata.n bhavAkhyajaladheH sa.ntAraNArtha.n bhaje .. 36 ..

 

dAntA ya.n hi vibhAvayanti nitarA.n shAntA mahAyoginaH

svAntAbje shivamAdareNa cha sadA chAntArtakheda.n param.h .

kAntAshliShTakalebaro bhavamahAkAntArasa.nchAriNa.n

shAntAtaN^kamima.n tanotu bhagavAn.h mA.n tAdR^ishaH sha.nkaraH .. 37 ..

 

bhrAntAnA.n bhavakAnane.asi sharaNa.n kShAntAnatAgAH samA\-

krAntAnekavidhaprapa~nchaduritadhvAntArka sha.nbho tataH .

tvA.n tApatrayabha~njana.n paramaha.n shrAntAvana.n rohiNI\-

kAntApIDamaha.n shritaH shiva bhavAnmA.n tArayAshu prabho .. 38 ..

 

tyaktAha.nkR^itayo.api ya.n munivarAH shaktA na vettu.n vibhu.n

vyaktAvyaktamanantamAdyamagajAyuktArdhagAtra.n shivam.h .

muktA yatkaruNAkaTAkShalaharIsiktA bhR^isha.n yatpadA\-

saktAntaHkaraNA budhAstamanisha.n bhaktAnukampa.n bhaje .. 39 ..

 

dR^iptA yena puro.alpahAsashuchinA taptAH kShaNAdeva bhI\-

rluptA nAkanivAsinA.n trijagatI guptA dayAmbhodhinA .

saptAbaddhasurApagaH pashupatiH saptAshchanakShatrarAT.h\-

saptArchirnayano javAdavatu naH klR^iptArtalokAvanaH .. 40 ..

 

mastAropitachandra mohabalato grastAtmachetAH para.n

dustArye bhavasAgare pashupate.adhastAnnimagna.n dR^iDham.h .

trastAvalyabhayapradAnavidadhaddhastAshu chottArya mA.n

dhvastAtaN^kamima.n vidhAya kutuka.n vistArayAryApate .. 41 ..

 

kR^ityAkR^ityavivekashUnyahR^idayo.agatyA bhavAbdhau bhraman.h

matyA tvA.n nahi pArayAmyachalayA satyAhamArAdhitum.h .

natyA kevalayA bhajAmyagavarAptyAdhipa tva.n samu\-

ddhR^ityArta.n karuNAkarAshu shiva mAmatyAhitAt.h pAlaya .. 42 ..

 

nityAnandamayaH sadaiva munisa.ntatyA viri~nchAdima\-

stutyAtmIyapadAmbujo hR^idi mahAnatyAdarAnmR^igyate .

shrutyAmreDitavaibhavAya vibhave satyAtmane sa.ntata.n

bhR^ityAtaN^kamahAndhakAranivahAdityAya tasmai namaH .. 43 ..

 

daityAripramukhArchite munimano vettyAdarAdiShTade

yAtyAmR^iShTavinamrasa.nsR^itimahAbhItyAdike yatpade .

bhAtyAnandamayashcha yaH pashupatiH kAtyAyanIsho.a~njaso\-

petyApadyanukampayA sa bhagavAn.h prItyA cha mA.n rakShatu .. 44 ..

 

vR^itrAripramukhA bhajanti nikhilAH satrAtibhaktyA sadA

satrAsA girisha.n mR^ikaNDumunirATputrArtiha.n ya.n param.h .

yatrAtIva manA.nsi bhAnti kR^itinA.n chitrAtmakR^itye pare

hR^ittrAsAd.h bhavajAd.h dayAbdhiriha mA.n sa trAyatAmIshvaraH .. 45 ..

 

netrAgnikShapitAN^gajo jayati yo netrAyitAsho jaga\-

nnetrA yena hatAH puraH shatajagannetrAtitejasvinA .

dhAtrAdyairvinayAt.h sadaiva kalitastotrAya vishvAtmane

gotrAdhIshvarakanyakAshritalasadgAtrAya tasmai namaH .. 46 ..

 

ya.n trAtAramudAharsanti sumahAmantrArthalakShya.n budhA\-

stantrANAmapi sa.npravartakamala.n yantrAvalInAmapi .

hantrA yena purA.n kR^itAH suragaNAH sa.ntrAsahInAH para.n

nantrArtikShapaNena tena jagatA.n yantrA sanAtho.asgyaham.h .. 47 ..

 

vitteshAdisuhR^ijjanAya nitarA.n dattepsitArtha prabho

kR^itteShTAvalisa.nsR^itidrumatate mattebhacharmAmbara .

yatte.agastyamukhA bhajanti hR^idi yaddhatte sarojadyuti.n

chitte me sphuratu prakAmamanisha.n tatte shivAN^ghridvayam.h .. 48 ..

 

shrutvA sadgurubhAShita.n hR^idi para.n dhR^itvA tadatyAdarA\-

ddhitvAj~nAnapara.nparAmarigaNAn.h jitvAshu kAmAdimAn.h .

bhittvA chAshu hR^idabjakoshamanisha.n tattvAtmaka.n tatra yat.h

tattvAdya.n vibhu vastu sAmbamatula.n dhR^itvA sukhI syA.n kadA .. 49 ..

 

hatvA mohamadAdidurjayamahAsattvAn.h bhavAraNyagAn.h .

gatvA chAshu girIshamAdyamatula.n natvA muhuH sha.nkaram.h .

kR^itvA mUrdhni dR^iDhA~njali.n savinaya.n stutvA purastasya tu

sthitvAha.n sukhatastR^iNAya vibudhAn.h kR^itvA kadA syA.n kR^itI .. 50 ..