govinda daamodara maadhaveti ...

[Guest guest]

agre kuruuNaamatha paaNDavaanaaM

duHshaasanenaahR^itavastrakeshaa .

kR^ishhNaa tadaakroshadananyanaathaa govinda daamodara

maadhaveti .. 1..

 

shriikR^ishhNa vishhNo madhukaiTabhaare

bhaktaanukampin bhagavan muraare .

traayasva maaM keshava lokanaatha govinda daamodara

maadhaveti .. 2..

 

vikretukaamaakhilagopakanyaa

muraaripaadaarpitachittavR^ittiH .

dadhyaadikaM mohavashaadavochad govinda daamodara

maadhaveti .. 3..

 

uluukhale sambhR^itataNDulaashca saMghaTTayantyo

musalaiH pramugdhaaH .

gaayanti gopyo janitaanuraagaa govinda daamodara

maadhaveti .. 4..

 

kaacitkaraambhojapuTe nishhaNNaM kriiDaashukaM

kiMshukaraktatuNDam .

adhyaapayaamaasa saroruhaakshhii govinda daamodara

maadhaveti .. 5..

 

gR^ihe gR^ihe gopavadhuusamuuhaH pratikshaNaM

pi~njarasaairikANaam .

skhaladgiram vaacayituM pravR^itto govinda daamodara

maadhaveti .. 6..

 

paryya~NkikaabhaajamalaM kumaaraM

prasvaapayantyo.akhilagopakanyaaH .

jaguH prabandhaM svarataalabandhaM govinda daamodara

maadhaveti .. 7..

 

raamaanujaM viikshaNakelilolaM gopii gR^ihiitvaa

navaniitagolaM .

aabaalakam baalakamaajuhaava govinda daamodara

maadhaveti .. 8..

 

vicitravarNaabharaNaabhiraame.abhidhehi

vaktraambujaraajahaMsi .

sadaa madiiye rasane.agrara~Nge govinda daamodara

maadhaveti .. 9..

 

a~NkaadhiruuDhaM shishugopaguuDhaM stanaM dhayantaM

kamalaikakaantam .

sambodhayaamaasa mudaa yashodaa govinda daamodara

maadhaveti .. 10..

 

kriiDantamantarvrajamaatmajaM svaM samaM vayasyaiH

pashupaalavaalaiH .

premNaa yashodaa prajuhaava kR^ishhNaM govinda

daamodara maadhaveti .. 11..

 

yashodayaa gaaDhamuluukhalena gokaNThapaashena

nibadhyamaanaH .

ruroda mandaM navaniitabhojii govinda daamodara

maadhaveti .. 12..

 

nijaa~Ngane ka~NkaNakelilolaM gopii gR^ihiitvaa

navaniitagolaM .

aamardayatpaaNitalena netre govinda daamodara

maadhaveti .. 13..

 

gR^ihe gR^ihe gopavadhuukadambaaH sarve militvaa

samavaayayoge .

puNyaani naamaani paThanti nityaM govinda daamodara

maadhaveti .. 14..

 

mandaaramuule vadanaabhiraamaM vimbaadhare

puuritaveNunaadam .

gogopagopiijanamadhyasaMsthaM govinda daamodara

maadhaveti .. 15..

 

utthaaya gopyo.apararaatrabhaage smR^itvaa

yashodasutabAlakelim .

gAyanti proccairdadhi manthayantyo govinda daamodara

maadhaveti .. 16..

 

jagdho.atha datto navanItapiNDo gR^ihe yashodA

vicikitsayantI .

uvAca satyaM vada he murAre govinda daamodara

maadhaveti .. 17..

 

abhyarcya gehaM yuvatiH pravR^iddhapremapravAhA dadhi

nirmamantha .

gAyanti gopyo.atha sakhIsametA govinda daamodara

maadhaveti .. 18..

 

kvacit prabhAte dadhipUrNapAtre nikshipya manthaM

yuvatI mukundam .

Alokya gAnaM vividhaM karoti govinda daamodara

maadhaveti .. 19..

 

krIDAparaM bhojanamajjanArthaM hitaishhiNI strI

tanujaM yashodA .

AjUhavat premapariplutAkshI govinda daamodara

maadhaveti .. 20..

 

sukhaM shayAnaM nilaye ca vishhNuM devarshhimukhyA

munayaH prapannAH .

tenAcyute tanmayatAM vrajanti govinda daamodara

maadhaveti .. 21..

 

vihAya nidrAmaruNodaye ca vidhAya kR^ityAni ca

vipramukhyAH .

vedAvasAne prapaThanti nityaM govinda daamodara

maadhaveti .. 22..

 

vR^indAvane gopagaNAshca gopyo vilokya

govindaviyogakhinnam .

rAdhAM jaguH sAshruvilocanAbhyAM govinda daamodara

maadhaveti .. 23..

 

prabhAtasa~ncAragatA nu gAvastadrakshaNArthaM tanayaM

yashodA .

prAbodhayat pANitalena mandaM govinda daamodara

maadhaveti .. 24..

 

prabAlashobhA iva dIrghakeshA

vAtAmbuparNAshanapUtadehAH .

mUle tarUNAM munayaH paThanti govinda daamodara

maadhaveti .. 25..

 

evaM bruvANA virahAturA bhR^ishaM vrajastriyaH

kR^ishhNavishhaktamAnasAH .

visR^ijya lajjAM ruruduH sma sukharaM govinda

daamodara maadhaveti .. 26..

 

gopI kadAcinmaNipi~njarasthaM shukaM vaco vAcayituM

pravR^ittA .

Anandakanda vrajacandra kR^ishhNa govinda daamodara

maadhaveti .. 27..

 

govatsabAlaiH shishukAkapakshaM

badhnantamambhojadalAyatAksham .

uvAca mAtA cibukaM gR^ihItvA govinda daamodara

maadhaveti .. 28..

 

prabhAtakAle varavallavaughA gorakshaNArthaM

dhR^itavetradaNDAH .

AkArayAmAsuranantamAdyaM govinda daamodara maadhaveti

.. 29..

 

jalAshaye kAliyamardanAya yadA kadambAdapatanmurAriH

.

gopA~NganAshcukrushuretya gopA govinda daamodara

maadhaveti .. 30..

 

akrUramAsAdya yadA mukundashcApotsavArthaM mathurAM

pravishhThaH .

tadA sa paurairjayatItyabhAshhi govinda daamodara

maadhaveti .. 31..

 

kaMsasya dUten yadaiva nItau vR^indAvanAntAd

vasudevasUnU .

ruroda gopI bhavanasya madhye govinda daamodara

maadhaveti .. 32..

 

sarovare kAliyanAgabaddhaM shishuM yashodAtanayaM

nishamya .

cakrurluThantyaH pathi gopabAlA govinda daamodara

maadhaveti .. 33..

 

akrUrayAne yaduvaMshanAthaM saMgacchhamAnaM mathurAM

nirIkshya .

Uchurviyogat kilagopabAlA govinda daamodara maadhaveti

.. 34..

 

cakranda gopI nalinIvanAnte kR^ishhNena hInA kusume

shayAnA .

praphullanIlotpalalochanAbhyAM govinda daamodara

maadhaveti .. 35..

 

mAtApitR^ibhyAM parivAryamANA gehaM pravishhTA

vilalApa gopI .

Agatya mAM pAlaya vishvanAtha govinda daamodara

maadhaveti .. 36..

 

vR^indAvanasthaM harimAshu buddhvA gopI gatA kApi

vanaM nishAyAm .

tatrApyadR^ishhTvAtibhayAdavocad govinda daamodara

maadhaveti .. 37..

 

sukhaM shayAnA nilaye nije.api nAmAni vishhNo

pravadanti martyAH .

te nishcitaM tanmayatAM vrajanti govinda daamodara

maadhaveti .. 38..

 

sA nIrajAkshImavalokya rAdhAM ruroda

govindaviyogakhinnAm .

sakhI praphullotpalalochanAbhyAM govinda daamodara

maadhaveti .. 39..

 

jihve rasadnye madhurapriyA tvaM satyaM hitaM tvaM

paramaM vadAmi .

AvarNayethA madhurAksharANi govinda daamodara

maadhaveti .. 40..

 

AtyantikavyAdhiharaM janAnAM cikitsakaM vedavido

vadanti .

saMsAratApatrayanAshabIjaM govinda daamodara

maadhaveti .. 41..

 

tAtAdnyayA gacchhati rAmacandre salakshmaNe.araNyacaye

sasIte .

cakranda rAmasya nijA janitrI govinda daamodara

maadhaveti .. 42..

 

ekAkinI daNDakakAnanAntAt sA nIyamAnA dashakandhareNa

.

sItA tadAkrandadananyanAthA govinda daamodara

maadhaveti .. 43..

 

rAmAdviyuktA janakAtmajA sA vicintayantI hR^idi

rAmarUpam .

ruroda sItA raghunAtha pAhi govinda daamodara

maadhaveti .. 44..

 

prasIda vishhNo raghuvaMshanAtha surAsurANAM

sukhadukhaHheto .

ruroda sItA tu samudramadhye govinda daamodara

maadhaveti .. 45..

 

atarjale grAhagR^ihItapAdo

visR^ishhTaviklishhTasamastabandhuH .

tadA gajendro nitarAM jagAda govinda daamodara

maadhaveti .. 46..

 

haMsadhvajaH sha~Nkhayuto dadarsha putraM kaTAhe

prapatantamenam .

puNyAni nAmAni harerjapantaM govinda daamodara

maadhaveti .. 47..

 

durvAsaso vAkyamupetya kR^ishhNA sA cAbravIt

kAnanavAsinIsham .

antaHpravishhTaM manasAjuhAva govinda daamodara

maadhaveti .. 48..

 

dhyeyaH sadA yogibhiraprameyaH

cintAharashcintitapArijataH .

kastUrikAkalpitanIlavarNo govinda daamodara maadhaveti

.. 49..

 

saMsArakUpe patito.atyagAdhe mohAndhapUrNe

vishhayAbhitapte .

karAvalambaM mama dehi vishhNo govinda daamodara

maadhaveti .. 50..

 

tvAmeva yAce mama dehi jihve samAgate daNDadhare

kR^itAnte .

vaktavyamevaM madhuraM subhaktyA govinda daamodara

maadhaveti .. 51..

 

bhajasva mantraM bhavabandhamutyai jihve rasadnye

sulabhaM manodnyam .

dvaipAyanAdyairmunibhiH prajaptaM govinda daamodara

maadhaveti .. 52..

 

gopAla vaMshIdhara rUpasindho lokesha nArAyaNa

dInabandho .

ucchasvaraistvaM vada sarvadaiva govinda daamodara

maadhaveti .. 53..

 

jihve sadaivaM bhaja sundarANi nAmAni kR^ishhNasya

manoharANi .

samastabhaktArtivinAshanAni govinda daamodara

maadhaveti .. 54..

 

govinda govinda hare murAre govinda govinda mukunda

kR^ishhNa .

govinda govinda rathA~NgapANe govinda daamodara

maadhaveti .. 55..

 

suvAvasAne tvidameva sAraM duHkhAvasAne tvidameva

geyam .

dehavasAne tvidameva jApyaM govinda daamodara

maadhaveti .. 56..

 

durvAravAkyaM pariguhya kR^ishhNA mR^igIva bhItA tu

kathaM katha~ncit .

sabhAM pravishhTA manasAjuhAva govinda daamodara

maadhaveti .. 57..

 

shrIkR^ishhNa rAdhAvara gokulesha gopAla govardhana

nAtha vishhNo .

jihve pibasvAmR^itametadeva govinda daamodara

maadhaveti .. 58..

 

shrInAtha vishveshvara vishvamUrte shrIdevakInandana

daityashatro .

jihve pibasvAmR^itametadeva govinda daamodara

maadhaveti .. 59..

 

gopIpate kaMsaripo mukunda lakshmIpate keshava

vAsudeva .

jihve pibasvAmR^itametadeva govinda daamodara

maadhaveti .. 60..

 

gopIjanAhlAdakara vrajesha

gochAraNAraNyakR^itapravesha .

jihve pibasvAmR^itametadeva govinda daamodara

maadhaveti .. 61..

 

prANesha vishvambhara kaiTabhAre vaikuNTha nArAyaNa

cakrapANe .

jihve pibasvAmR^itametadeva govinda daamodara

maadhaveti .. 62..

 

hare murAre madhusUdanAdya shrIrAma sItAvara rAvaNAre

..

jihve pibasvAmR^itametadeva govinda daamodara

maadhaveti .. 63..

 

shrIyAdavendrAdridharAmbujAksha

gogopagopIsukhadAnadaksha .

jihve pibasvAmR^itametadeva govinda daamodara

maadhaveti .. 64..

 

dharAbharottAraNagopaveshha

vihAralIlAkR^itabandhusheshha .

jihve pibasvAmR^itametadeva govinda daamodara

maadhaveti .. 65..

 

bakIbakAghAsuradhenukAre keshItR^iNAvartavighAtadaksha

.

jihve pibasvAmR^itametadeva govinda daamodara

maadhaveti .. 66..

 

shrIjAnakIjIvana rAmacandra nishAcharAre

bharatAgrajesha .

jihve pibasvAmR^itametadeva govinda daamodara

maadhaveti .. 67..

 

nArAyaNAnanta hare nR^isiMha prahlAdabAdhAhara he

kR^ipAlo .

jihve pibasvAmR^itametadeva govinda daamodara

maadhaveti .. 68..

 

lIlAmanushhyAkR^itirAmarUpa

pratApadAsIkR^itasarvabhUpa .

jihve pibasvAmR^itametadeva govinda daamodara

maadhaveti .. 69..

 

shrIkR^ishhNa govinda hare murAre he nAtha nArAyaNa

vAsudeva .

jihve pibasvAmR^itametadeva govinda daamodara

maadhaveti .. 70..

 

vaktuM samartho.api na vakti kashcidahoo janAnAM

vyasanAbhimukhyam .

jihve pibasvAmR^itametadeva govinda daamodara

maadhaveti .. 71..

 

 

iti shrI bilvama~NgalAchArya virachitaM

shrIgovindadAmodara stotraM sampUrNam

 

shloka 42\-45 pAThAntara

govinda daamodara maadhaveti

sthAname

he rAma raghunandana rAghaveti

##

Encoded by Damodar Godse - dgodse (AT) aracnet (DOT) net

 

 

Talk to your friends online with Messenger.

http://im.