Srinivasa Gadhyam

[gokulkr]

 

 

 

SRI SRINIVASA GADHYAM

http://mannaram.tripod.com/ramanuja/pdfs/srinivas.pdf

 

[gokulkr]

 

 

 

SRI SRINIVASA GADHYAM

http://mannaram.tripod.com/ramanuja/pdfs/srinivas.pdf

 

[gokulkr]

 

 

SRI VENKATESHWARA KARAVALAMBA STOTRA

 

 

http://www.scribd.com/doc/4051883/Sri-venkateswara-karavalamba-stotram

 

[gokulkr]

<CENTER>varadaraaja pa~nchaashaat.h

 

</CENTER>

 

shriimaan.h veN^kaTa naathaaryaH kavitaarkika kesarii |

vedaantaa chaarya varyome sannidhattaaM sadaahR^idi ||

dvirada shikhari siimnaa sadmavaan.h padma yoneH

turaga savana vedyaaM shyaamalo havyavaahaH.

kalasha jaladhi kanyaa vallarii kalpa shaakhii

kalayatu kushalaM naH ko.api kaaruNya raashiH.. 1

yasyaanubhaavam.h adhigantum.h ashaknu vanto

muhyant.h yabha~Ngura dhiyo muni saarva bhaumaaH.

tasyaiva te stutiShu saahasam.h ashnuvaanaH

kshantavya eSha bhavataa kari shaila naatha.. 2

jaanan.h nanaadi vihitaan.h aparaadha vargaan.h

svaamin.h bhayaat.h kimapi vaktumahaM na shaktaH.

avyaaja vatsala tathaa.api nira~NkushaM maaM

vaatsalyam.h eva bhavato mukharii karoti.. 3

kiM vyaaharaami varada stutaye kathaM vaa

khadyotavat.h pralaghu sa~Nkuchita prakaashaH.

tanme samarpaya matiM cha sarasvatiim.h cha

tvaam.h a~njasaa stuti padair.h yadahaM dinomi.. 4

machchhakti maatra gaNane kimihaasti shakyaM

shakyena vaa tava kariisha kimasti saadhyam.h

yadyasti saadhaya mayaa tadapi tvayaa vaa

kiM vaa bhaved.h bhavati ki~nchida niihamaane.. 5

stotraM mayaa virachitaM tvadadhiina vaachaa

tvat.h priitaye varada yat.h tadidaM na chitram.h.

aavarjayanti hR^idayaM khalu shikshakaaNaam.h

ma~njuuni pa~njara shakunta vijalpi taani.. 6

yaM chakshuShaam.h aviShayaM hayamedha yajvaa

draaghiiyasaa sucharitena dadarsha vedhaaH.

taM tvaaM kariisha karuNaa pariNaamatas.h te

bhuutaani hanta nikhilaani nishaamayanti.. 7

tattat.h padai rupahite.api tura~Nga medhe

shakraadayo varada puurvam.h alabdha bhaagaaH.

adhyaxite makhapatau tvayi chaxuShaiva

hairaNya garbha haviShaaM rasam.h anva bhuuvan.h.. 8

sarga sthiti pralaya vibhrama naaTi kaayaaM

shailuuShavad.h vividha veSha parigrahaM tvaam.h.

saMbhaavayanti hR^idayena kariisha dhanyaaH

saMsaara vaarinidhi santaraNaika potam.h.. 9

praapto dayeShu varada tvadanu praveshaat.h

padmaa sanaadiShu shivaadiShu ka~nchukeShu.

tanmaatra darshana vilobhita shemuShiikaaH

taadaatmya muuDha matayo nipantant.h yadhiiraaH.. 10

madhye viri~nchi shivayor.h vihitaavataaraH

khyaato.asi tat.h samatayaa tadidaM na chitram.h.

maayaa vashena makaraadi shariiriNam.h tvaaM

taavena pashyati kariisha yadeSha lokaH.. 11

brahmeti sha~Nkara itiindra iti svaraaDhiti

aatmeti sarvamiti sarva charaacharaatman.h.

hastiisha sarva vachasaam.h avasaana siimaaM

tvaaM sarva kaaraNam.h ushanti anapaaya vaachaH.. 12

aashaadhipeShu girisheShu chaturmukheShvapi

avyaahataa vidhi niShedha mayii tavaaj~naa.

hastiisha nityam.h anupaalana la~Ngha naabhyaaM

puMsaaM shubhaashubha mayaani phalaani suute.. 13

traataa.a.apadi sthiti padaM bharaNaM prarohaH

chhaayaa kariisha sarasaani phalaani cha tvam.h.

shaakhaagata tridasha bR^inda shakuntakaanaaM

kiM naama naasi mahataaM nigama drumaaNaam.h.. 14

saamaanya budhdi janakaashcha sadaadi shabdaaH

tattvaantara bhrama kR^itashcha shivaadi vaachaH.

naaraayaNe tvayi kariisha vahanti ananyam.h

anvartha vR^itti parikalpita maika kaNThyam.h.. 15

sa~nchintayanti akhila heya vipaxa bhuutaM

shaantoditaM shamavataa hR^itdayena dhanyaaH.

nityaM paraM varada sarvagataM susuuxmaM

niShpanda nandathu mayaM bhavataH svaruupam.h.. 16

vishvaatishaayi sukharuupa yadaatmakas.h tvaM

vyaktiM kariisha kathayanti tadaatmikaaM te.

yenaadhi rohati matis.h tvadu paasakaanaaM

saa kiM tvameva tava veti vitarka Dolaam.h.. 17

mohaandhakaara vinivartana jaagaruuke

doShaa divaa.api niravagraha medhamaane

tvat.h tejasi dvirada shailapate vimR^iShTe

shlaadhyeta santamasa parva sahasra bhaanoH.. 18

ruuDhasya chinmayatayaa hR^idaye kariisha

stambaanukaari pariNaama visheSha bhaajaH.

sthaaneShu jaagrati chaturShvapi sat.h tvantaH

shaakhaa vibhaaga chature tava chaaturaatmye.. 19

naagachalesha nikhilopaniShan.h maniiShaa-

ma~njuuShikaa marakataM parichinvataaM tvaam.h.

tanvii hR^idi sphurati kaa.api shikhaa muniinaaM

saudaamaniiva nibhR^itaa nava megha garbhaa.. 20

audanvate mahati sadmani bhaasamaane

shlaaghye cha divya sadane tamasaH parastaat.h.

antaH kalebaram.h idaM suShiraM susuuxamaM

jaataM kariisha katha maadaraNaaspadaM te.. 21

baalaakR^iter.h vaTa palaasha mitasya yasya

bR^ihmaaNDa maNDalam.h abhuud.h udaraika deshe.

tasyaiva tad.h varada hanta kathaM prabhuutaM

vaaraaham.h aasthitavato vapur.h adbhutaM te.. 22

bhaktasya daanava shishoH paripaalanaaya

bhadraaM nR^isiMha kuhanaa madhi jagmuShas.h te.

stambhaika varja madhunaa.api kariisha nuunam.h

trailokyam.h etad.h akhilaM narasiMha garbham.h. 23

kraaman.h jagat.h kapaTa vaamanataam.h upetaH

tredhaa kariisha sa bhavaan.h nidadhe padaani.

adyaapi jantava ime vimalena yasya

padodakena vidhR^itena shivaa bhavanti.. 24

yenaachala prakR^itinaa ripu saMxayaarthii

vaaraaM nidhiM varada puurvam.h ala~Nghayas.h tvam.h.

taM viixya setu madhunaa.api shariira vantaH

sarve ShaDuurmi bahulaM laladhiM taranti.. 25

itthaM kariisha durapahnava divya bhavya-

ruupaan.h vitasya vibudhaadi vibhuuti saamyaat.h

kechid.h vichitra charitan.h bhavato.avataaraan.h

sanyaan.h dayaa paravashasya vadanti santaH.. 26

saushiilya bhaavita dhiyaa bhavataa katha~nchit.h

sa~nchhaaditaanapi guNaan.h varada tvadiiyaan.h.

pratyaxayanti avikalaM tava sannikR^iShTaaH

patyus.h tvaShaam.h iva payoda vR^itaan.h mayuukhaan.h 27

nityaM kariisha timiraavila dR^iShTayo.api

siddhaa~njanena bhavataiva vibhuuShitaaxaaH.

pashyanti uparyupari sa~ncharataa madR^ishyaM

maayaa niguuDham.h anapaaya mahaanidhiM tvaam.h.. 28

sadyas.h tyajanti varada tvayi badhda bhaavaaH

paitaamahaadiShu padeShvapi bhaava bandham.h.

kasmai svadeta sukha sa~ncharaNot.h sukaaya

kaaraagR^ihe kanaka shR^i~Nkhalayaa.api bandhaH.. 29

hastiisha duHkha viSha digdha phalaanu bandhini

aabrahma kiiTaM aparaahata saMprayoge.

duShkarma sa~nchaya vashaad.h duratikrame naH

pratyastram.h a~njalir.h asau tava nigrahaastre.. 30

tvad.h bhakti potam.h avalambitum.h axamaaNaaM

paaraM paraM varada gantu maniishvaraaNaam.h.

svairaM lila~NghayiShataaM bhava vaari raashiM

tvaameva gantumasi setu rabha~Nguras.h tvam.h.. 31

ashraanta saMsaraNa gharma nipiiDitasya

bhraantasya me varada bhoga mariichikaasu.

jiivaatu rastu niravagraham.h edhamaano

deva tvadiiya karuNaamR^ita dR^iShTa paataH.. 32

antaH pravishya bhagavan.h akhilasya jantoH

aaseduShas.h tava kariisha bhR^ishaM daviiyaan.h

satyaM bhaveya madhunaa.api sa eva bhuuyaH

svaabhaavikii tava dayaa yadi naantaraayaH.. 33

aj~naata nirgamam.h anaagama vedinaM maam.h

andhaM na ki~nchid.h avalambanam.h ashnuvaanam.h.

etaavatiiM gamayitaH padaviiM dayaloH

sheShaadhva lesha nayane ka ivaatibhaaraH.. 34

bhuuyo.api hanta vasatir.h yadi me bhavitrii

yaamyaasu durviShaha vR^ittiShu yaatanaasu.

samyag.h bhaviShyati tataH sharaNaa gataanaaM

saMraxiteti birudaM varada tvadiiyam.h.. 35

paryaakulaM mahati duHkhaH payonidhau maaM

pashyan.h kariisha yadi joShaM avasthitas.h tvam.h.

sphaarexaNe.api miShati tvayi nirnimeShaM

paare kariShyati dayaa tava durnivaaraa.. 36

kiM vaa kariisha kR^ipaNe mayi raxaNiiye

dharmaadi baahya sahakaari gaveShaNena.

nanvasti vishva paripaalana jaagaruukaH

sa~Nkalpa eva bhavato nipuNaH sahaayaH.. 37

niryantraNaM pariNamanti na yaavadete.

niirandhra duShkR^ita bhavaa durita prarohaaH.

taavanna chet.h tvam.h upagachchhasi shaar~Nga dhanvaa

shakyaM tvayaapi na hi vaarayituM kariisha.. 38

yaavanna pashyati nikaamam.h amarShaNo maaM

bhruu bha~Nga bhiiShaNa karaala mukhaH kR^itaantaH.

taavat.h panantu mayi te bhagavan.h dayaaloH

unnidra padma kalikaa madhuraaH kaTaaxaaH.. 39

sa tvam.h sa eva rabhaso bhavadau pavaahyaH

chakraM tadeva shita dhaara mahaM cha paalyaH.

saadhaaraNe tvayi kariisha samasta jantoH

maata~Nga maanuSha bhidaa na visheSha hetuH.. 40

nirvaa payiShyati kadaa karishaila dhaaman.h

durvaara karma paripaaka mahaa davaagnim.h.

praachiina duHkham.h api me sukhayanniva tvat.h-

paadaaravinda parichaara rasa pravaahaH.. 41

muktaH svayaM sukR^ita duShkR^ita shR^i~Nkha laabhyaam.h

archir.h mukhair.h adhikR^itair.h ativaahitaadhvaa.

svachchhanda ki~Nkaratayaa bhavataH kariisha

svaabhaavikaM pratilabheya mahaadhi kaaram.h.. 42

tvam.h chet.h prasiidasi tavaamsi samiipatashchet.h

tvayyasti bhakti ranaghaa karishaila naatha.

saMsR^ijyate yadi cha daasa janas.h tvadiiyaH.

saMsaara eSha bhagavan.h apavarga eva.. 43

aahuuyamaanam.h anapaaya vibhuuti kaamaiH

aaloka lupta jagadaandhyam.h anusmareyam.h.

aalohitaaM shukam.h anaakula heti jaalaM

hairaNya garbha hayamedha havirbhujaM tvaam.h.. 44

bhuuyo bhuuyaH pulaka nichitai ra~Ngakair.h edhamaanaaH

sthuula sthuulaan.h nayana mukulair.h bibhrato baaShpa binduun.h.

dhanyaaH kechid.h varada bhavataH saMsadaM bhuuShayantaH

svaantair.h antar.h vinaya nibhR^itaiH svaadayante padam.h te.. 45

varada tava vilokayanti dhanyaaH

marakata bhuudhara maatR^ikaaya maaNaam.h

vyapagata parikrama vaaravaaNaM

mR^igamada pa~Nka visheSha niilama~Ngam.h.. 46

anibhR^ita parirambhair.h aahitaam.h indiraayaaH

kanaka valaya mudraam.h kaNTha deshe dadhaanaH.

phaNipati shayaniiyaa dutthitas.h tvaM prabhaate

varada satatam.h antar.h maanasam.h sannidheyaaH.. 47

turaga vihaga raaja syandanaan.h dolikaadiShu

adhikam.h adhikam.h anyaam.h aatma shobhaaM dadhaanam.h.

anavadhika vibhuutim.h hasti shaileshvaram.h tvaam.h

anudinam.h animeShair.h lochanair.h nirvisheyam.h.. 48

nirantaraM nirvishatas.h tvadiiyam.h

aspR^iShTa chintaa padam.h aabhiruupyam.h

satyaM shape vaaraNa shailanaatha

vaikuNTha vaase.api na me.abhilaaShaH.. 49

vyaatanvaanaa taruNa tulasii daamabhiH svaamabhikhyaaM

maata~Ngaadrau marakata ruchiM puShNatii maanase naH.

bhogaishvarya priya sahacharaiH kaa.api laxmii kaTaaxaiH

bhuuyaH shyaamaa bhuvana jananii devataa sannidhattaam.h.. 50

iti vihitam.h udaaraM ve~NkaTeshena bhaktyaa

shR^iti subhagamidam.h yaH stotraM a~Ngii karoti

kari shikhari viTa~Nka sthaayinaH kalpa vR^ixaat.h

bhavati phalaM asheShaM tasya hastaapacheyam.h.. 51 kavitaarkika siMhaaya kalyaaNa guNashaaline .

shriimate veN^kaTeshaaya vedaantagurave namaH

[gokulkr]

 

 

Bhu Sooktam

 

 

 

Reciting the Bhu Sooktam is part of the Vaishnava tradition.

Bhumirbhumna dhyaurvarinaanthariksham mahithva

upasthe te devyadhithegnimannada mannadhyayadhadhe 1

Aayagauh prushnirakrami dasananmatharam punah

pitharam cha prayanthsuvah 2

Thrim shadhdhama virajathi vakpathaggaaya shishriye

prathyasya vahadhyubhih 3

Asya pranadapanatyantashcharathi rochanaa

vyakhyan mahishah suvah 4

Yattva kruddah parovapamanyuna yadhavartyaa

sukalpamagne tattava punastvyoddeepayamasi 5

Yatte manyuparoptasya pruthivimanu dhadhvase

adhithya vishve taddheva vasavashcha samabharan 6

Medini devi vasundhara syadvasudha dhevi vasavi

Brahmavarchasah pitrunaga shrothram chakshurmanah

Devi hiranyagarbhini devi prasovari

Sadane satyayane sida

Samudhravathi savitri hano devi mahyangi

Mahidharani maho vyadhistha shrunge shrunge yagye yagye vibhishini

Indhrapathni vyapini surasaridiha

Vayumati jalashayani sriyandharaja sathyandho parimedhini

Shvoparidhattam parigaya

Vishnupathnim maheem dheveem madhaveem madhavapriyam

Lakshmi priyasakhim devim namamyachyutavallabham

Om dhanurdharayai vidmahe sarvasidhdhyai cha dheemahi

thanno dharaa prachodhayath

Maheem devim vishnupathneemajuryam

pratheechimenagam havisha yajamah

Thredha vishnururugayo vichakrame

Maheem dhivam pruthiveemanthariksham

thacchhronaitishrava iccamanaa

punyagga-shlokam yajamanaya krunvati

 

[gokulkr]

Netrikkan (eye on forehead) Perumal

Thiruvaheendrapuram Sri Devanatha Perumal represents Lord Brahma having the lotus flower in his hand and representing Lord Shivan having the eye in his fore - head and representing Sri Vishnu along with Sangu and Chakkaram.

[gokulkr]

<CENTER>Shrii

Shriimate raamaanujaaya namaha

Shriimate nigamaanta mahaa desikaaya namaha</CENTER><CENTER> </CENTER><CENTER></CENTER><CENTER> shrii stutiH

 

</CENTER>shriimaan.h veN^kaTa naathaaryaH kavitaarkika kesarii |

vedaantaa chaarya varyome sannidhattaaM sadaahR^idi ||

maanaatiita prathita vibhavaaM maN^galaM maN^galaanaaM

vakshaH piiThiiM madhu vijayino bhuushhayantiiM svakaantyaa |

pratyakshaanu shravika mahima praarthiniinaaM prajaanaaM

shreyo muurtiM shriyam.h asharaNas.h tvaaM sharaNyaaM prapadye || 1 ||

aavirbhaavaH kalasha jaladhaa vadhvare vaapi yasyaaH

sthaanaM yasyaaH sarasija vanaM vishhNu vakshaH sthalaM vaa |

bhuumaa yasyaa bhuvanam.h akhilaM devi divyaM padaM vaa

stoka praGYair.h anavadhi guNaa stuuyase saa kathaM tvam.h || 2 ||

stotavyatvaM dishati bhavatii dehibhiH stuuyamaanaa

taameva tvaam.h anitara gatiH stotumaashaM samaanaH |

siddhaarambhaH sakala bhuvana shlaaghaniiyo bhaveyaM

sevaapekshaa tava charaNayoH shreyase kasya na syaat.h || 3 ||

yat.h saN^kalpaad.h bhavati kamale yatra dehinya miishhaaM

janma sthema pralaya rachanaa jaN^gamaa jaN^gamaanaam.h |

tat.h kalyaaNaM kimapi yaminaam.h eka lakshyaM samaadhau

puurNaM tejaH sphurati bhavatii paada laakshaa rasaaN^kam.h || 4 ||

nishhpratyuuha praNaya ghaTitaM devi nityaana paayaM

vishhNustvaM chetyanavadhi guNaM dvandva manyonya lakshyam.h |

sheshhashchittaM vimala manasaaM maulayashcha shrutiinaaM

saMpadyante viharaNa vidhau yasya shayyaa visheshhaaH || 5 ||

uddeshyatvaM janani bhajator.h ujjhitopaadhi gandhaM

pratyagruupe havishhi yuvayor.h eka sheshhitva yogaat.h |

padme patyus.h tava cha nigamair.h nityaman.h vishhyamaaNo

naavachchhedaM bhajati mahimaa nartayan.h maanasaM naH || 6 ||

pashyantiishhu shrutishhu paritaH suuri bR^indena saardhaM

madhye kR^itya triguNa phalakaM nirmita sthaana bhedam.h |

vishvaadhiisha praNayini sadaa vibhrama dyuuta vR^ittau

brahme shaadyaa dadhati yuvayor.h aksha shaara prachaaram.h || 7 ||

asye shaanaa tvamasi jagataH saMshrayantii mukundaM

lakshmiiH padmaa jaladhi tanayaa vishhNu patniindireti |

yannaamaani shruti paripaNaan.h evamaavartayanto

naavartante durita pavana prerite janma chakre || 8 ||

tvaame vaahuH katichi dapare tvatpriyaM lokanaathaM

kiM tairantaH kalaha malinaiH kiMchi duttiirya magnaiH |

tvat.h saMpriityai viharati harau saMmukhiinaaM shrutiinaaM

bhaavaa ruuDhau bhagavati yuvaaM dampatii daivataM naH || 9 ||

aapannaarti prashamana vidhau baddha diikshasya vishhNoH

aachakhyus.h tvaaM priya sahachariim.h aikamat.h yopapannaam.h |

praadur.h bhaavairapi sama tanuH praadhvaman.h viiyase tvaM

duurotkshiptair.h iva madhurataa dugdharaa shestaraN^gaiH || 10 ||

dhatte shobhaaM hari marakate taavakii muurtiraadyaa

tanvii tuN^ga stana bhara nataa tapta jaambuu nadaabhaa |

yasyaaM gachchhant.h yudaya vilayair.h nitya maananda sindhau

ichchhaa vegollasita laharii vibhramaM vyaktayaste || 11 ||

aasaMsaaraM vitatamakhilaM vaaN^mayaM yadvibhuutiH

yad bhruu bhaN^gaat.h kusuma dhanushhaH kiN^karo meru dhanvaa |

yasyaaM nityaM nayana shatakair.h eka lakshyo mahendraH

padme taasaaM pariNati rasau bhaava leshais.h tvadiiyaiH || 12 ||

agre bhartuH sarasija maye bhadra piiThe nishhaNNaam.h

ambho raasher.h adhigata sudhaa saMplavaadutthitaaM tvaam.h |

pushhpaa saara sthagita bhuvanaiH pushhkalaa varta kaadyaiH

kL^iptaarambhaaH kanaka kalashair.h abhyashhiJNchan.h gajendraaH || 13 ||

aalokya tvaam.h amR^ita sahaje vishhNu vakshaHsthalasthaaM

shaapaakraantaaH sharaNamagaman.h saavarodhaaH surendraaH |

labdhvaa bhuuyas.h tribhuvanamidaM lakshitaM tvat.h kaTaakshaiH

sarvaakaara sthira samudayaaM saMpadaM nirvishanti || 14 ||

aarta traaNa vratibhir.h amR^itaa saara niilaambuvaahaiH

ambhojaanaam.h ushhasi mishhataam.h antaraN^gair.h apaaN^gaiH |

yasyaaM yasyaaM dishi viharate devi dR^ishhTis.h tvadiiyaa

tasyaaM tasyaam.h aham.h ahamikaaM tanvate saMpadoghaaH || 15 ||

yogaarambha tvarita manaso yushhmadai kaantya yuktaM

dharmaM praaptuM prathamamiha ye dhaarayante dhanaayaam.h |

teshhaaM bhuumer.h dhanapati gR^ihaad.h ambaraadambudhervaa

dhaaraa niryaant.h yadhika madhikaM vaaJNchhitaanaaM vasuunaam.h || 16 ||

shreyas.h kaamaaH kamala nilaye chitra maamnaaya vaachaaM

chuuDaa piiDaM tava pada yugaM chetasaa dhaarayantaH |

chhatra chchhaayaa subhaga shirasash.h chaamara smera paarshvaaH

shlaaghaa shabda shravaNa muditaaH sragviNaH saJNcharanti || 17 ||

UriikartuM kushalam.h akhilaM jetumaadiinaraatiin.h

duurii kartuM durita nivahaM tyaktum.h aadyaama vidyaam.h |

amba stamba avadhika janana graama siimaanta rekhaam.h

aalambante vimala manaso vishhNu kaante dayaaM te || 18 ||

jaataa kaaN^kshaa janani yuvayor.h eka sevaadhi kaare

maayaa liiDhaM vibhavam.h akhilaM manya maanaas.h tR^iNaaya |

priityai vishhNostava cha kR^itinaH priitimanto bhajante

velaabhaN^gaH prashamana phalaM vaidikaM dharmasetum.h || 19 ||

seve devi tridasha mahilaa mauli maalaarchitaM te

siddhi kshetraM shamita vipadaaM saMpadaaM paada padmam.h |

yasmin.h niishhan.h namita shiraso yaapayitvaa shariiraM

vartishhyante vitamasi pade vaasudevasya dhanyaaH || 20 ||

saanupraasa prakaTita dayaiH saandra vaatsalya digdhaiH

amba snigdhair.h amR^ita laharii labdha sa brahmacharyaiH |

gharme taapa traya virachite gaaDha taptaM kshaNaM maam.h

aakiJNchanya glapita managhair.h aardrayethaaH kaTaakshaiH || 21 ||

saMpadyante bhava bhaya tamii bhaanavas.h tvat.h prasaadaat.h

bhaavaaH sarve bhagavati harau bhakti mudvelayantaH |

yaache kiM tvaam.h ahamiha yataH shiitalodaara shiilaa

bhuuyo bhuuyo dishasi mahataaM maN^galaanaaM prabandhaan.h || 22 ||

maataa devi tvamasi bhagavaan.h vaasudevaH pitaa me

jaataH so.ahaM janani yuvayor.h eka lakshyaM dayaayaaH |

datto yushhmat.h pari jana tayaa deshikair.h apyatastvaM

kiM te bhuuyaH priyamiti kila smera vaktraa vibhaasi || 23 ||

kalyaaNaanaam.h avikala nidhiH kaa.api kaaruNya siimaa

nityaamodaa nigama vachasaaM mauli mandaara maalaa |

saMpad.h divyaa madhu vijayinaH sannidhattaaM sadaa me

saishhaa devii sakala bhuvana praarthanaa kaamadhenuH || 24 ||

upachita guru bhakter.h utthitaM veN^kaTeshaat.h

kali kalushha nivR^ittyai kalpamaanaM prajaanaam.h |

sarasija nilayaayaaH stotram.h etat.h paThantaH

sakala kushala siimaaH saarva bhaumaa bhavanti || 25 ||

kavitaarkika siMhaaya kalyaaNaguNashaaline .

shriimate veN^kaTeshaaya vedaantagurave namaH ..

<HR width="100%">